क्राईमनामा Live : जुन्नर तालुक्याच्या पश्चिम भागातील “या” रस्त्याच्या साईडपट्ट्यांच्या झाडांमुळे वाहनांना होतोय व्यत्यय, सार्वजनिक रस्ते बांधकाम विभागाने लक्ष देण्याची गरज...

प्रतिनिधी : जुन्नर. क्राईमनामा Live : जुन्नर तालुक्याच्या पश्चिम पट्ट्यातील सार्वजनिक बांधकाम विभागाच्या रस्त्याच्या साईडपट्ट्यांची पुरती ...

प्रतिनिधी : जुन्नर.

क्राईमनामा Live : जुन्नर तालुक्याच्या पश्चिम पट्ट्यातील सार्वजनिक बांधकाम विभागाच्या रस्त्याच्या साईडपट्ट्यांची पुरती वाट लागलेली असून साईडपट्ट्यांच्या बाजूची गटारेदेखील दिसत नाहीत, या ठिकाणच्या गटारांचा असून नसल्यासारखाच फायदा आहे, त्यात मोठ्या प्रमाणात गवत व काटेरी झाडे वाढली आहेत, परिणामी ओढेनाल्याचे पाणी रस्त्यावर वाहताना पहावयास मिळत आहे. तसेच या वाढलेल्या झाडांमुळे रस्त्यांच्या साईडपट्ट्यांचा भाग पूर्णपणे झाकला गेला आहे.

बेलसर पासून घंगाळदरे व भिवाडे या भागातील रस्ताच्या साईडपट्ट्या या पूर्णपणे झाडांनी आच्छादलेल्या आहेत, रस्ता हा एकेरी वाहतूकीचा जरी असला तरी देखील दोन गाड्या पार करताना वाहनचालकांना मोठी कसरत करावी लागत आहे, मात्र संबंधित सार्वजनिक रस्ते बांधकाम विभागाने याकडे तातडीने लक्ष देऊन या भागातील रस्त्याच्या साईडपट्ट्यांची अवस्था पाहून वेळीच डागडूजी करून व झाडे झुडपे काढावीत अशीच वाहनचालक मागणी करत आहेत.

खरं तर या भागातील रस्त्यांना मोठ्या प्रमाणात खड्डे देखील पडलेले आहेत, त्यामुळे वाहनचालकांचा खड्डा चुकवताना अपघात देखील होऊ शकतो, या बाबतीत देखील संबंधित विभागाने दखल घेऊन यावर योग्य ती कार्यवाही करण्याची गरज आहे. या भागातील रस्त्यांची व्यवस्थित डागडूजी व्हावी व लोकांचा प्रवास चांगला होवो एवढीच माफक अपेक्षा.