ताम्हिणी घाटात कारचं सनरुफ फोडून दगड महिलेचा डोक्यात पडला अन् सोडला प्राण.

  रायगड: पुणे-मानगाव मार्गावरील ताम्हिणी घाटात दरड कोसळली. धावत्या कारवर दरडीचे मोठे दगड कोसळल्याने कारचं सनरुफ फोडून दगड कामध्ये पडला. कारम...

 

रायगड: पुणे-मानगाव मार्गावरील ताम्हिणी घाटात दरड कोसळली. धावत्या कारवर दरडीचे मोठे दगड कोसळल्याने कारचं सनरुफ फोडून दगड कामध्ये पडला. कारमधील एका महिलेचा जागीच मृत्यू झाला आहे. या घटनेमुळे हळहळ व्यक्त केली जात आहे.

पुणे येथून मानगावच्या दिशेने एक कुटुंब कारने प्रवास करत होते. कार ताम्हिणी घाटातून जात असताना अचानक डोंगरावरून दरड कोसळली. दरडीचे मोठे दगड थेट धावत्या कारवर येऊन पडले. दरडीचे दगड कारचे ‘सनरुफ’ (Sunroof) फोडून थेट कारच्या आतमध्ये पडले. यावेळी कारमध्ये बसलेल्या स्नेहल गुजराती (वय ४३) या महिलेच्या डोक्याला दगड लागल्याने त्या गंभीर जखमी झाल्या.

स्नेहल गुजराती यांना तातडीने जवळच्या रुग्णालयात उपचारांसाठी दाखल करण्यात आले. मात्र, त्यांच्या डोक्याला गंभीर दुखापत झाल्यामुळे पुढील उपचारासाठी त्यांना मोठ्या रुग्णालयात हलवण्याचा प्रयत्न सुरू असतानाच त्यांचा दुर्देवाने कारमध्येच मृत्यू झाला. स्नेहल गुजराती या महिलेचा अपघातात मृत्यू झाल्याने हळहळ व्यक्त होत आहे.

दरम्यान, मानगाव पोलीस या घटनेचा पंचनामा करत असून, घाटरस्त्यावरील दरडी कोसळण्याच्या घटनांवर कायमस्वरूपी उपाययोजना करण्याची मागणी स्थानिक नागरिक व प्रवाशांकडून जोर धरत आहे.