पोलिस पत्नीची वर्दी घालून अनेकांना गंडवले; पाहा कारनामे.

  नाशिक : पोलिस अधिकारी असलेल्या पत्नीचा गणवेश परिधान करून अनेकांची फसवणूक करणाऱ्या तोतया पोलिसाला नाशिक गुन्हे शाखेने बेड्या ठोकल्या आहेत. ...

 

नाशिक : पोलिस अधिकारी असलेल्या पत्नीचा गणवेश परिधान करून अनेकांची फसवणूक करणाऱ्या तोतया पोलिसाला नाशिक गुन्हे शाखेने बेड्या ठोकल्या आहेत. नाशिक शहरासह अनेक ठिकाणी या तोतया पोलिसाने फसवणूक केल्याचे उघड झाले आहे.

अखेर नऊ महिन्यांनंतर नाशिक गुन्हे शाखेच्या पथकाने ही कारवाई केली. सागर पवार असे आरोपीचं नाव आहे.

सागर पवार याच्यावर या आधी विविध गुन्ह्यांमध्ये कारवाई झाली आहे. तोतया पोलिस अधिकारी असल्याची बतावणी करून उपनिरीक्षक असलेल्या पत्नीच्या वर्दीचा तो वापर करत होता. या माध्यमातून त्याने अनेकांना गंडा घातला आहे. पोलिस पत्नीच्या गणवेशाचा वापर करून तो स्वतः उपनिरीक्षक असल्याचे भासवत होता. नऊ महिन्यांपासून सागर पवार हा फरार होता. पोलिसांनी तांत्रिक विश्लेषणाचा आधार घेत सापळा रचला आणि सागरला अटक केली आहे. या प्रकरणी आता त्याची चौकशी केली जाणार आहे.

सागर पवार याचे कारनामे…

– पत्नीच्या पोलिस गणवेशाचा वापर.

– पोलिस असल्याचे भासवत महिलांची फसवणूक.

– पोलिसांत असल्याची ओळख सांगून विविध ठिकाणी फिरायचा.

– विविध पोलिस ठाण्यांमध्ये गुन्हे दाखल.

– नोकरी, गुन्हेगारी प्रकरणात मदत करण्याचे आमिष.

– पोलिसांच्या वर्दीचा गैरवापर करून पोलिस यंत्रणेचा गैरवापर.

– पोलिस असल्याचे भासवून ओळख लपवत राहणे.