क्राईमनामा Live : ह्रदयद्रावक! विहीरीत डोकावल्यावर आईच्या काळजाचे झाले तुकडे...

  भंडारा : दहावीतील शिकणारी घरातली मुलगी घरी परतली नाही म्हणून आईने शोधाशोध करायला सुरुवात केली. एका विहिरीपाशी आईला मुलीच्या चपला दिसल्यानं...

 

भंडारा : दहावीतील शिकणारी घरातली मुलगी घरी परतली नाही म्हणून आईने शोधाशोध करायला सुरुवात केली. एका विहिरीपाशी आईला मुलीच्या चपला दिसल्यानंतर विहिरीकडे जाऊन पाहिले आणि आईच्या काळजाचे तुकडे झाले.

गावकऱ्यांच्या मदतीने शोध घेतला असताना मुलगी विहिरीच्या पाण्यात बुडाल्याचे उघड झाले. दहावीतील विद्यार्थीनीच्या मृत्यूने संपूर्ण गावात हळहळ व्यक्त केली जात आहे.

सलोनी विनोद नखाते (वय 16, रा. चिचाळ) असे मृत विद्यार्थिनीचे नाव आहे. सलोनी शेळ्यांसाठी पाणी आणण्यासाठी विहीरीवर गेली होती. विहीरीत पाय घसरून पडल्याने तिचा मृत्यू झाला आहे. या घटनेने गावात हळहळ व्यक्त केली जातेय. सलोनीवर शोकाकुल वातावरणात चिचाळ येथे अंत्यसंस्कार करण्यात आले.

सलोनी ही चिचाळ येथील जिल्हा परिषद विद्यालयात दहाव्या वर्गात शिकत होती. सलोनी सकाळची शाळा आटोपून आईवडील असलेल्या शेतात गेली होती. आईने तिला शेळ्यांसाठी पाणी आणण्यासाठी शेताच्या दुसऱ्या टोकावर असलेल्या विहिरीवर पाठविले. विहिरीतून बादलीने पाणी काढताना सलोनीचा पाय घसला आणि ती विहिरीत पडली. सलोनी अद्याप का आली नाही म्हणून आईने विहिरीकडे जाऊन बघितले. तेव्हा विहिरीच्या काठावर सलोनीच्या चपला दिसल्या. मुलगी विहिरीत पडल्याचे लक्षात येताच आईने आरडाओरड सुरू केला. वडीलही विहिरीकडे धावले.

विहिरीत बघितले असता सलोनी दिसली नाही. दरम्यान, गावकऱ्यांनीही शेताकडे धाव घेतली. घटनेची माहिती अड्याळ पोलिसांना देण्यात आली असता ग्रामस्थांच्या मदतीने विहिरीत शोध घेण्यात आला. त्यानंतर सलोनीचा मृतदेह विहिरतून बाहेर काढण्यात आला. पोलिसांनी आकस्मित मृत्युची नोंद केली आहे. दहावीतील मुलीच्या मृत्यूने सलोनीच्या आई वडिलांवर दुःखाचा डोंगर कोसळला आहे.