पुणे: एका वेब सीरिजमध्ये काम केलेल्या अभिनेत्रीने (वय २८) कर्तव्य बजावत असलेल्या एका महिला पोलिस कर्मचाऱ्याला चावा घेवून हल्ला केल्याप्रकर...
पुणे: एका वेब सीरिजमध्ये काम केलेल्या अभिनेत्रीने (वय २८) कर्तव्य बजावत असलेल्या एका महिला पोलिस कर्मचाऱ्याला चावा घेवून हल्ला केल्याप्रकरणी पोलिसांनी तिला अटक केली आहे.
अभिनेत्रीविरोधात चंदन नगर पोलिस ठाण्यात एफआय़आर दाखल करण्यात आला आहे. परवीन शेख असे या घटनेत जखमी पोलिस कर्मचारी महिलेचे नाव असून, त्या दामिनी स्क्वाडच्या सदस्याही आहेत.
पोलिसांनी दिलेल्या माहितीनुसार, आरोपी अभिनेत्री ही मूळची कर्नाटकमधील रहिवासी असून, मुंबईतील अंधेरी परिसरात राहाते. अभिनेत्रीने अनेक प्रसिद्ध वेबसीरिजमध्ये काम केलेले आहे. पुण्यात कामानिमित्त ती आली होती. यासाठी तिने वडगाव शेरी भागातील एका हॉटेलमध्ये बुकिंग केले होते. मात्र, चांगली सुविधा न मिळाल्याचे सांगत तिने हॉटेल स्टाफकडे आपले पैसे परत मागितले. यावरुन तिथे भांडण सुरू झाले. यानंतर हॉटेलच्या स्टाफने शुक्रवारी दुपारी पोलिसांना याबाबत माहिती दिली.
पुणे पोलिसांचे दामिनी पथक घटनास्थळी दाखल झाले. त्यांनी हे भांडण मिटवण्याचा प्रयत्न केला. मात्र, अभिनेत्री काही ऐकायला तयार नव्हती. तिने महिला पोलिस कर्मचारी परवीन शेख यांच्यासोबत गैरवर्तन केल्याचा आरोप आहे. अभिनेत्रीने परवीन शेख यांना मारहाण केली आणि त्यांच्या हाताचा चावा घेतला. यानंतर पोलिसांनी अभिनेत्रीला अटक केली. या प्रकरणाचा अधिक तपास उपनिरीक्षक मंजुषा मुळूक करत आहेत.
.jpg)
COMMENTS