क्राईमनामा Live : वाढदिवसानिमित्त जुन्नरमध्ये पाचशे वृक्षांची लागवड . ( जुन्नर ) जुन्नर तालुका शिवनेर शिक्षण प्रसारक मंडळाचे अध्यक्ष ॲॅड स...
क्राईमनामा Live : वाढदिवसानिमित्त जुन्नरमध्ये पाचशे वृक्षांची लागवड .
( जुन्नर ) जुन्नर तालुका शिवनेर शिक्षण प्रसारक मंडळाचे अध्यक्ष ॲॅड संजय शिवाजीराव काळे यांच्या वाढदिवसानिमित्त श्री शिव छत्रपती महाविद्यालय जुन्नर येथे पाचशे वृक्षांची लागवड करण्यात आली.
या वृक्षारोपण कार्यक्रम प्रसंगी संस्थेचे पालक प्रतिनिधी श्री अशोकराव काळे व विश्वस्त अनिलकाका जोगळेकर ' ॲड. अविनाश थोरवे ' अध्यक्ष प्रतिनिधी प्रा. व्ही बी कुलकर्णी, प्र प्राचार्य डॉ उत्तम शेलार, उपप्राचार्य डॉ देवेंद्र उजगरे व कनिष्ठ महाविद्यालयाच्या उपप्राचार्या प्रा. पी एस लोढा, पर्यवेक्षक प्रा. एस ए श्रीमंते ' व एम सी व्ही सी विभागप्रमुख प्रा. के जी नेटके, विज्ञान विभाग प्रमुख प्रा पी आर कासार, कला व वाणिज्य विभाग प्रमुख प्रा. पी व्ही तांबे तसेच महाविद्यालयातील सर्व प्राध्यापक वृंद व शिक्षकेत्तर कर्मचारी' बहुसंख्य विद्यार्थी या वेळी उपस्थित होते.
या कार्यक्रम प्रसंगी महाविद्यालयाचे प्र. प्राचार्य डॉ उत्तम शेलार म्हणाले की , "शिक्षणाची ज्ञानगंगा घरोघरी पोहचविण्याचा प्रयत्न करणारे तसेच दुर्बल, मागास, आदिवासी व ग्रामीण भागातील विद्यार्थ्यांना शिक्षणाद्वारे मुख्य प्रवाहामध्ये आणण्यासाठी व त्यांच्या उज्वल भविष्याकरीता , सर्वांगीण विकासासाठी श्री शिव छत्रपती महाविद्यालयाच्या माध्यमातून महत्त्वाचे कार्य ॲड संजय काळे साहेब करीत आहेत .
संस्थेच्या सुवर्ण महोत्सवी वर्षानिमित्त ॲड काळे साहेबांच्या संकल्पनेतून जुन्नर तालुक्यातील इयत्ता दहावीच्या सर्व गुणवंत विशेषता प्रत्येक शाळेतील पहिले तीन क्रमांकाचे विद्यार्थी यांचा पेढे ,पुष्पगुच्छ व सन्मानचिन्ह देऊन त्यांच्या शाळेमध्ये किंवा घरी जाऊन सत्कार करण्यात आला. तसेच या गुणवान विद्यार्थ्यांना बहुमोल असे मार्गदर्शन करणारे त्यांचे शिक्षक व मुख्याध्यापक यांचाही सन्मान याप्रसंगी करण्यात आला . विशेष म्हणजे या सर्व पहिल्या तीन क्रमांकाच्या विद्यार्थ्यांना महाविद्यालयामध्ये मोफत प्रवेश दिला गेला .शिवाय असंख्य निराधार ,गरीब व होतकरू विद्यार्थ्यांना महाविद्यालयामध्ये प्रवेश घेताना त्यांची आर्थिक परिस्थिती लक्षात घेऊन फी सवलत तसेच वेळ प्रसंगी मोफत ही प्रवेश दिला जातो .
तसेच जुन्नर कृषी उत्पन्न बाजार समितीचे सभापती व पी डी सी सी बँकेचे संचालक व जुन्नर तालुका शिवनेर शिक्षण प्रसारक मंडळाचे अध्यक्ष या तीन महत्वाच्या जबाबदाऱ्या समर्थपणे संभाळत असून यावरील तिन्ही संस्थेचे नेतृत्व करीत असताना सर्व सामान्य शेतकरी व गोरगरिब नागरिक ,होतकरू विद्यार्थी यांच्या प्रगतीचा व विकासाचा विचार करणारे हे अष्टपैलु व्यक्तिमत्व आहे
COMMENTS