क्राईमनामा Live : लोणीकंदचा सराईत आरोपी एक वर्षासाठी तडीपार...

क्राईमनामा पुणे :   लोणीकंदचा सराईत आरोपी पुणे जिल्ह्यातून एक वर्षासाठी तडीपार करण्यात आला आहे. चंद्रकांत पोपट शिवले असे या आरोपीचे नाव अस...

क्राईमनामा पुणे :  लोणीकंदचा सराईत आरोपी पुणे जिल्ह्यातून एक वर्षासाठी तडीपार करण्यात आला आहे. चंद्रकांत पोपट शिवले असे या आरोपीचे नाव असून, पोलिस पुढील तपास करत आहेत.

लोणीकंद पोलिस स्टेशन रेकॉर्डवरील गुन्हेगार चंद्रकांत पोपट शिवले ( वय २४ वर्षे, रा. तुळापुर पो. फुलगाव ता. हवेली जि. पुणे ) यास पोलिस उप आयुक्त परिमंडळ ०४, पुणे शहर यांनी महाराष्ट्र पोलिस कायदा कलम ५६ प्रमाणे पुणे जिल्ह्यातून एक वर्षाकरीता तडीपार केले आहे. लोणीकंद पोलिस स्टेशन हद्दीतील तुळापुर, फुलगाव तसेच शिक्रापूर भागात दहशत निर्माण करून नागरिकांना तसेच सामान्य नागरीकांना वारंवार त्रास देणाऱ्या, दहशत निर्माण करुन लोकांच्या जिवीतास धोका निर्माण करणाऱ्या सराईत गुन्हेगाराच्या कृत्यामुळे लोकांच्या मनातून कायद्याविषयी संभ्रम निर्माण होवू नये तसेच सदर सराईत गुन्हेगारावर कायद्याचा वचक बसावा या उद्देशाने त्याच्यावर सहा. पोलिस आयुक्त किशोर जाधव, लोणीकंद पोलिस स्टेशनचे वरिष्ठ पोलिस निरीक्षक गजानन पवार, पोलिस निरीक्षक गुन्हे मारुती पाटील यांचे मार्गदर्शनाखाली पोलिस उपनिरीक्षक श्रीकांत टेमगिरे, पोलिस नाईक प्रशांत कापुरे, सागर कडू यांनी सदर सराईत आरोपीवर दाखल गुन्ह्यांचा अभिलेख तपासला होता.

सदर आरोपीला महाराष्ट्र पोलिस कायदा कलम ५६ प्रमाणे तडीपार करणेबाबत पोलिस उप आयुक्त रोहिदास पवार यांना प्रस्ताव पाठविला असता, रोहिदास पवार यांनी सदर सराईतास पुणे जिल्ह्याचे हद्दीतुन एक वर्षाकरीता तडीपार केले आहे. सदरची कामगिरी अप्पर पोलिस आयुक्त नामदेव चव्हाण, पोलिस उप आयुक्त रोहिदास पवार, सहा. पोलिस आयुक्त किशोर जाधव, वरिष्ठ पोलिस निरीक्षक गजानन पवार, पोलिस निरीक्षक (गुन्हे) मारुती पाटील यांचे मार्गदर्शनाखाली पोलिस उपनिरीक्षक श्रीकांत टेमगिरे, पोलिस नाईक प्रशांत कापुरे, सागर कडू यांनी केली आहे.