क्राईमनामा Live : भीषण दुर्घटना! उत्तरकाशीत भाविकांची बस दरीत कोसळून २५ ठार; पाहा नावे...

  उत्तरकाशी (उत्तराखंड): उत्तरकाशी येथे झालेल्या बस अपघातात २५ जणांचा मृत्यू झाला आहे. बहुतांश प्रवासी हे मध्य प्रदेशातील पवई विधानसभा गाव-म...

 

उत्तरकाशी (उत्तराखंड): उत्तरकाशी येथे झालेल्या बस अपघातात २५ जणांचा मृत्यू झाला आहे. बहुतांश प्रवासी हे मध्य प्रदेशातील पवई विधानसभा गाव-मोहंद्रा आणि चिकलहाई येथील आहेत.

राज्याचे मुख्यमंत्री शिवराज सिंह चौहान हे उत्तराखंडला रवाना झाले आहेत.

उत्तरकाशी जिल्ह्यातील पुरोला क्षेत्रात रविवारी (ता. ५)भीषण दुर्घटना झाली. बस दरीत कोसळल्याने बसमधील 25 पर्यटक प्रवाशांचा मृत्यू झाला असून तिघे गंभीर जखमी आहेत. घटनेची माहिती मिळताच स्थानिक प्रशासनाने घटनास्थळी धाव घेत बचाव आणि मदतकार्य सुरु केले होते. उत्तरकाशी जिल्हा आपत्ती व्यवस्थापक देवेंद्र पटवाल यांनी सांगितले की, ऋषिकेश-यमुनोत्री राष्ट्रीय महामार्ग क्रमांक 94 वर डामटापासून 2 किमी अंतरावर रिखावू खड्ड येथे रविवारी रात्री उशिरा ही दुर्घटना घडली. या बसमधील भाविक यमुनोत्री धाम येथे दर्शनासाठी जात असताना हा अपघात झाला. अपघाताची माहिती मिळताच स्थानिक पोलीस प्रशासन आणि आपत्ती व्यवस्थापक विभागाने घटनास्थळी धाव घेतली. बचाव आणि मदतकार्य वेगात सुरु केले. मात्र, बस खोल दरीत कोसळल्याने 25 प्रवाशांचा या दुर्घटनेत जीव गेला.

दरम्यान, उत्तरकाशीचे जिल्हाधिकारी अभिषेक रुहेला यांनीही तात्काळ घटनास्थळी धाव घेतली. तर, उत्तराखंडच्या राज्यपालांनी या दुर्घटनेबद्दल शोक व्यक्त केला आहे. मुख्यमंत्री पुष्करसिंह धामी यांनी मृत व्यक्तींबद्दल शोक व्यक्त केला आहे. जखमींवर तात्काळ उपचार आणि घटनास्थळी सर्वोतपरी मदतकार्य करण्याचे आदेश जिल्हा प्रशासनाला दिले आहेत. तसेच, मृतांच्या वारसांना 1 लाख आणि जखमींना 50 हजार रुपयांचा निधी देण्याची घोषणाही त्यांनी केली आहे. मध्य प्रदेशचे मुख्यमंत्री शिवराजसिंह चौहान यांनी दुर्घटनेतील मृतांच्या वारसांना 5 लाख रुपयांची मदत जाहीर केली आहे. तर, जखमींना तात्काळ 50 हजार रुपये आणि मोफत उपचार देण्याचे आदेश दिले आहेत.

अपघातानंतर बसमधील प्रवाशांची नावे पुढीलप्रमाणेः

राजा बाई, धनीराम, कामबाई, वृंदावन, कमला, रामसखी, गीताबाई, अनिल कुमारी, कृष्णा बिहारी, प्रभा, शकुंतलाबाई, शीलाबाई, पार्वती, विश्वकांत, चंद्रकला, कंछेदीलाल, राजुकुमार, राजकुंवर, मनेका प्रसाद, सरोज, बद्री प्रसाद, कर्ण सिंग, उदयसिंग, चंद्रकाली, बलदेव, मोतीलाल, कुसुम बाई अशी बसमधील प्रवाशांची नावे आहेत.