आरोग्य टिप्स : Diet For Healthy Skin: स्वयंपाकघरातील या पदार्थांमुळे मिळेल तरुण व चमकदार त्वचा

आरोग्य टिप्स : बदलते हवामान , प्रदूषण आणि शरीरातील पोषक तत्वांची कमतरता यामुळे त्वचेच्या आरोग्यावर मोठा परिणाम होत आहे. या सर्वांचा त्वचेचा ...

आरोग्य टिप्स : बदलते हवामान, प्रदूषण आणि शरीरातील पोषक तत्वांची कमतरता यामुळे त्वचेच्या आरोग्यावर मोठा परिणाम होत आहे. या सर्वांचा त्वचेचा पोत, रंग आणि आरोग्य यावर परिणाम होतो. म्हणूनच त्वचा आतून आणि बाहेरून निरोगी Diet For Healthy Skin ठेवण्यासाठी योग्य पदार्थांचे सेवन करणे महत्वाचे ठरते. 

योग्य आहाराच्या मदतीने त्वचेला आतून पोषण मिळते आणि त्वचा बाहेरून चमकते. त्वचेला व्हिटॅमिन ई, व्हिटॅमिन सी, व्हिटॅमिन बी यासह ओमेगा फॅट्स आणि विविध अँटिऑक्सिडंट्सची आवश्यकता असते. आणि या सर्वांचा एक चांगला स्त्रोत म्हणजे काही फळे आणि भाज्या ज्या तुमच्या स्वयंपाकघरात सहज उपलब्ध आहेत. अगदी कमी किंमतीत मिळणारे हे पदार्थ तुमची त्वचा वर्षानुवर्षे निरोगी, मऊ आणि समस्यामुक्त ठेवू शकतात.(Diet For Healthy Skin)

हळद

चिमूटभर हळद त्वचेच्या अनेक समस्यांपासून आराम मिळवून देते. त्वचेवर मुरुम, पुरळ, रॅशेस आणि पॅच यासारख्या समस्यांपासून आराम मिळवण्यासाठी हळदीचा चहा किंवा हळदीचे दूध पिऊ शकता. हळदीमध्ये अँटीबॅक्टेरियल आणि अँटीफंगल गुणधर्म असतात जे त्वचेचे बॅक्टेरियापासून संरक्षण करतात. याशिवाय रोजच्या आहारात हळदीचा समावेश केल्याने त्वचा निरोगी राहते.

रताळी

रताळी पौष्टिक असण्यासोबतच त्वचेचे सौंदर्य वाढवणारे नैसर्गिक पदार्थ  आहे. त्यात व्हिटॅमिन सी आणि पोटॅशियम, तसेच व्हिटॅमिन ई देखील आढळतात. हे सर्व घटक त्वचेला आतून निरोगी आणि मुलायम बनवतात, ज्यामुळे त्वचेवर कोरडेपणा आणि सुरकुत्यांची समस्या लवकर येत नाही. त्यामुळे त्वचा दीर्घकाळ तरूण आणि चमकदार राहते.

पालक

काळ्या डागांच्या समस्येने त्रस्त असलेल्या लोकांना त्यांच्या आजूबाजूच्या लोकांकडून पालकाचा रस पिण्याचा सल्ला मिळतो. वास्तविक, पालकामध्ये असे अनेक पोषक तत्व आढळतात जे त्वचेला पोषण देतात आणि आतून आणि बाहेरून निरोगी बनवतात. पालकामध्ये व्हिटॅमिन सी व्यतिरिक्त व्हिटॅमिन ए आणि आयर्न आढळते. हे सर्व वृद्धत्व विरोधी प्रभाव असल्याचे ओळखले जाते. म्हणूनच पालकाचे सेवन केल्याने त्वचा दीर्घकाळ तरूण आणि निरोगी दिसते.

गाजर

व्हिटॅमिन ए चा उत्तम स्रोत असण्यासोबतच गाजर खाण्यासही स्वादिष्ट आहे. गाजराचे सेवन केल्याने शरीरात रक्ताची कमतरता भरून निघते. आणि ऊर्जा मिळते. त्याचबरोबर गाजर बॉडी डिटॉक्सिफिकेशनचेही काम करते, ज्यामुळे शरीरात अडकलेले हानिकारक पदार्थ शरीरातून बाहेर पडतात आणि शरीरासोबतच तुमची त्वचाही चमकते. गाजरामध्ये असलेले बीटा-कॅरोटीन आणि कॅरोटीनॉइड्स त्वचेचे सूर्यापासून संरक्षण करतात आणि त्वचेच्या छिद्रांना ब्लॉक होण्यापासून रोखतात, ज्यामुळे त्वचेवरील पिंपल्सची समस्या कमी होते.