आरोग्य टिप्स : व्हिटॅमिन बी 12 च्या कमतरतेमुळे शरीरात दिसतात ही लक्षणे, जाणून घ्या कसा असावा आहार

  आरोग्य टिप्स : व्हिटॅमिन बी 12, हे शरीरासाठी अत्यंत महत्वाचे आणि पाण्यात विरघळणारे जीवनसत्व आहे. हे जीवनसत्व लाल रक्तपेशी आणि डीएनएच्या...

 

आरोग्य टिप्स : व्हिटॅमिन बी 12, हे शरीरासाठी अत्यंत महत्वाचे आणि पाण्यात विरघळणारे जीवनसत्व आहे. हे जीवनसत्व लाल रक्तपेशी आणि डीएनएच्या निर्मितीमध्ये महत्त्वाची भूमिका बजावते, तसेच तुमच्या मज्जासंस्थेच्या विकासात मदत करते. याच्या कमतरतेमुळे, मज्जासंस्थेशी संबंधित अनेक समस्या उद्भवू शकतात. त्यामुळे अॅनेमिया देखील होतो. त्यामुळे खूप थकवा येणे, दम लागणे, उर्जेची कमतरता जानवणे, डोकेदुखी इ. समस्या जाणवू शकतात.

व्हिटॅमिन बी 12 च्या कमतरतेची लक्षणे

1: त्वचा पिवळट होणे

जेव्हा तुमच्या शरीरात व्हिटॅमिन B12 ची कमतरता असते, तेव्हा तुमचे शरीर पिवळे पडू लागते कारण तुमच्या शरीरात लाल रक्तपेशी आणि रक्ताची कमतरता असते.

2: जीभ लाल होणे

जर तुमची जीभ लाल झाली किंवा ती सुजली आणि खूप दुखत असेल तर हे देखील व्हिटॅमिन बी 12 च्या कमतरतेचे लक्षण आहे. त्यामुळे बोलणेही अवघड होते.

3: तोंडात व्रण

या व्हिटॅमिनच्या कमतरतेमुळे, तुम्हाला तुमच्या तोंडात अनेक अल्सर होतात, ज्यामध्ये तुम्हाला खूप वेदना होतात आणि सूज देखील येते.

4: चालताना अशक्तपणा जाणवणे

व्हिटॅमिन बी12 च्या कमतरतेमुळे चालतांना अशक्तपणा येतो. बी 12 च्या कमतरतेचा हळूहळू मज्जासंस्थेवर परिणाम होऊ लागल्याने अशक्तपणा जाणवू लागतो.

5: नजर धुसर होणे

अंधुक दृष्टी किंवा दृष्टी विषयक समस्या हे देखील व्हिटॅमिन बी 12 च्या कमतरतेचे लक्षण आहे. हे देखील अनेकदा मज्जासंस्थेचे नुकसान झाल्यामुळे होते.

या व्हिटॅमीनच्या कमतरतेच्या इतर लक्षणांमध्ये नैराश्य, चिडचिड, वागण्या, विचारात आणि भावनांमध्ये गोंधळ, समज कमी होणे, स्मरणशक्ती कमी होणे आणि भूक न लागणे यांचा समावेश होतो.

 

व्हिटॅमिन बी 12 ची कमतरता भरून काढणारे अन्नपदार्थ

मासे

हे जीवनसत्व प्रामुख्याने प्राणीज अन्नात असते. ही कमतरता भरून काढण्यासाठी मासे, सॅलमन, ट्राउट प्रजातीचे मासे खाऊ शकता. सुमारे 50 ग्रॅम सॅलमन किंवा ट्राउटमध्ये सुमारे 2 औंस व्हिटॅमिन बी 12 असते. जे दैनंदिन गरजेच्या 300% आहे.

अंडी

एका मोठ्या अंड्यामध्ये 0.55 mcg जीवनसत्व B12 असते. जे दैनंदिन गरजेच्या 23% आहे.