कोलकताः प्रसिद्ध मॉडेल आणि नवोदित बंगाली अभिनेत्री बिदीशा डे मुजुमदार (वय २१) राहत्या घरी मृतावस्थेत आढळल्यामुळे खळबळ उडाली आहे. याबाबत पो...
कोलकताः प्रसिद्ध मॉडेल आणि नवोदित बंगाली अभिनेत्री बिदीशा डे मुजुमदार (वय २१) राहत्या घरी मृतावस्थेत आढळल्यामुळे खळबळ उडाली आहे. याबाबत पोलिस पुढील तपास करत आहेत.
बंगाली अभिनेत्री पल्लवी डे हिने 15 मे रोजी आत्महत्या केली होती. यानंतर अभिनेत्री बिदीशा डे मुजुमदार हिचा मृत्यू झाल्यामुळे बंगाली मनोरंजनसृष्टीला मोठा धक्का बसला आहे.
बिदीशा डे मुजुमदार ही आपल्या आई वडिलांसोबत भाड्याने एका अपार्टमेंटमध्ये राहात होती. बुधवारी बिदीशा आपल्या राहत्या घरी लटकलेल्या अवस्थेत आढळून आली. ही खरंच आत्महत्या आहे की हत्या याचा तपास पोलिसांनी सुरु केला आहे. पोलिस अभिनेत्रीच्या कुटुंबियांसोबतच तिच्या जवळच्या मित्र-मैत्रिणींचीदेखील चौकशी करत आहेत. आत्महत्या असल्याचा प्राथमिक अंदाज वर्तविला जात आहे. शवविच्छेदन अहवालाची हाती आल्यानंतर मृत्यूचे कारण समजू शकेल.
बिदीशा डे मुजुमदार ही एक लोकप्रिय मॉडेल होती. तसेच तिने 2021 मध्ये अनिरबेद चटोपाध्याय दिग्दर्शित 'भार: द क्लाऊन' या शॉर्ट फिल्ममधून अभिनय क्षेत्रात पाऊल ठेवले होते. या शॉर्ट फिल्ममध्ये प्रसिद्ध बंगाली अभिनेता देबराज मुखर्जी मुख्य भूमिकेत दिसला होता.
.jpg)
COMMENTS