व्हायग्रा खाऊन गर्लफ्रेंडवर दुसऱ्यांदा बलात्काराचा प्रयत्न, पण भयंकर......

उत्तर प्रदेशातील फिरोजाबाद येथे 23 वर्षीय तरुणाने आपल्या 22 वर्षीय गर्लफ्रेंडवर बलात्कार करून तिची हत्या केल्याचा धक्कादायक प्रकार घडलाय. पो...

उत्तर प्रदेशातील फिरोजाबाद येथे 23 वर्षीय तरुणाने आपल्या 22 वर्षीय गर्लफ्रेंडवर बलात्कार करून तिची हत्या केल्याचा धक्कादायक प्रकार घडलाय. पोलिसांच्या माहितीनुसार, आरोपीने आपल्या वाढदिवसानिमित्त 26 ऑगस्ट रोजी तरुणीला भेटण्यासाठी बोलावले होते.

दोघांची आधीपासून ओळख होती आणि त्यांनी बारावीपर्यंत एकत्र शिक्षण घेतले होते. तरुणी मूळची फिरोजाबादची असून गुरुग्राममधील एका कंपनीत काम करत होती. रक्षाबंधनाच्या निमित्ताने ती आपल्या गावाकडे परतत असताना आरोपीने तिला भेटण्यासाठी बोलावल्याचे पोलिसांनी सांगितले.

पॉवर वाढवणारी औषधाची गोळी घेतली अन् केला बलात्कार

पोलिसांच्या तपासानुसार, आरोपीने तरुणीला भेटण्याच्या बहाण्याने थांबवले आणि तिला घरी जाऊ दिले नाही. त्यानंतर तो तिला फिरोजाबादमधील एका हॉटेलमध्ये घेऊन गेला. आरोपानुसार, हॉटेलच्या खोलीत आरोपीने सेक्स पॉवर वाढवणारी औषधाची गोळी घेतली आणि तरुणीवर बलात्कार केला. त्यानंतर पुन्हा संबंध ठेवण्याचा प्रयत्न केल्यावर तरुणीने विरोध केला. पोलिसांच्या म्हणण्यानुसार, विरोध केल्याने संतापलेल्या आरोपीने तिच्यावर मारहाण केली. या घटनेत तिचा मृत्यू झाला. तपासादरम्यान पोलिसांना आरोपीकडून तरुणीचा मोबाइल फोन आणि सेक्स पॉवर वाढवणारी औषधाची गोळी मिळाल्याचे सांगण्यात आले आहे.

आरोपीने चौकशीदरम्यान औषध घेतल्याचे केले कबुल

पोलिसांच्या माहितीनुसार, ही घटना 26 ऑगस्टच्या रात्री घडली आणि 27 ऑगस्टच्या पहाटे आरोपीने पुन्हा संबंध ठेवण्याचा प्रयत्न केला. तरुणीने विरोध केल्यानंतर तिच्यावर मारहाण करून हत्या केल्याचा आरोप आहे. पोस्टमार्टम अहवालात तरुणीच्या मृत्यूचे कारण डोक्याला झालेली गंभीर दुखापत आणि अंतर्गत रक्तस्राव असल्याचे समोर आले आहे. पोलिसांनी सांगितले की, आरोपीने चौकशीदरम्यान औषध घेतल्याचे आणि तरुणीवर बलात्कार केल्याचे कथितरीत्या कबूल केले आहे. मात्र, पोलिसांसमोरील कथित कबुलीजबाब हा स्वतःहून न्यायालयात दोष सिद्ध करण्यासाठी पुरेसा नसतो. त्यामुळे पोलिसांनी पोस्टमार्टम अहवाल, जप्त केलेले साहित्य आणि इतर पुरावे तपासाचा भाग बनवले आहेत.

तरुणीच्या वडिलांनी 27 ऑगस्ट रोजी शिकोहाबाद पोलीस ठाण्यात तक्रार दाखल केली होती. त्यानंतर पोलिसांनी गुन्हा दाखल करून तपास सुरू केला. फिरोजाबादचे एसपी ग्रामीण अनुज चौधरी यांच्या माहितीनुसार, तपासातून मिळालेले पुरावे आणि पोस्टमार्टम अहवालातील निष्कर्षांमुळे बलात्काराच्या आरोपांना सिद्ध करण्यास पुरेसे ठरतील. या प्रकरणात भारतीय न्याय संहितेच्या कलम 103 (1) अंतर्गत हत्या आणि कलम 64 (1) अंतर्गत बलात्काराचा गुन्हा दाखल करण्यात आला आहे. पोलिसांनी 23 वर्षीय मुख्य आरोपीला अटक करून न्यायालयात हजर केले, त्यानंतर त्याला जेलमध्ये पाठवण्यात आले. या प्रकरणात 24 वर्षीय सहआरोपी असल्याचेही पोलिसांनी सांगितले असून, त्याने गुन्ह्यात मदत केल्याचा आरोप आहे. त्याच्या अटकेसाठी पोलिसांचा शोध सुरू आहे.