पत्नीसोबत प्रेमसंबंध असल्याचा संशय, भोरमध्ये युवकाची हत्या

 पुणे जिल्ह्यातील भोर तालुक्यात प्रेमसंबंधाच्या संशयातून एका 25 वर्षीय युवकाची निर्घृण हत्या झाल्याची धक्कादायक घटना समोर आली आहे. सारोळा गा...

 पुणे जिल्ह्यातील भोर तालुक्यात प्रेमसंबंधाच्या संशयातून एका 25 वर्षीय युवकाची निर्घृण हत्या झाल्याची धक्कादायक घटना समोर आली आहे. सारोळा गावाच्या हद्दीत सारोळा-वीर रोडवर 27 ऑगस्टच्या रात्री ही घटना घडली.

मृत युवकाचे नाव अमर पवार असे आहे. अमर पवार हा आरोपी दीपक मनोहर पाल याच्या पत्नी आणि त्यांच्या अल्पवयीन मुलीसोबत रात्री सुमारे 9 वाजता पायी जात होता. त्यावेळी दीपक पाल कथितरित्या त्यांचा पाठलाग करत तेथे पोहोचला. पत्नी आणि अमर पवार यांच्यात प्रेमसंबंध असल्याचा संशय आरोपीला असल्याचे पोलिसांच्या प्राथमिक तपासात समोर आले आहे.

अमर पवारवर मागून अचानक चाकूने हल्ला

पोलिसांत दाखल तक्रारीनुसार, सारोळा गावातील महेश धाडवे यांच्या घराच्या गेटबाहेर दीपक पाल याने अमर पवारवर मागून अचानक चाकूने हल्ला केला. आरोपीने अमरच्या गळ्यावर आणि मानेवर चाकूने सलग अनेक वार केल्याचा आरोप आहे. या हल्ल्यात अमर गंभीर जखमी झाला आणि त्याचा मृत्यू झाला. अचानक झालेल्या या हल्ल्यामुळे परिसरात खळबळ उडाली. ही घटना लावण्यात आलेल्या CCTV कॅमेऱ्यात कैद झाल्याचे समोर आले आहे. CCTV फुटेजमध्ये आरोपीने अमरवर अत्यंत क्रूर पद्धतीने हल्ला केल्याचे दिसून आल्याचे सांगण्यात आले आहे.

हत्येच्या घटनेनंतर परिसरात हळहळ व्यक्त

या प्रकरणी अमरचा चुलत भाऊ अमित जगन्नाथ पवार याने राजगड पोलीस ठाण्यात तक्रार दाखल केली. तक्रारीच्या आधारे उत्तर प्रदेशातील रहिवासी दीपक मनोहर पाल याच्याविरोधात हत्येचा गुन्हा दाखल करण्यात आला आहे. आरोपीविरोधात भारतीय न्याय संहिता (BNS) कलम 103 (1) आणि आर्म्स अॅक्टच्या कलम 4 (27) अंतर्गत गुन्हा दाखल करण्यात आला आहे. पोलिसांकडून या प्रकरणातील पुरावे, CCTV फुटेज आणि तक्रारीतील माहितीच्या आधारे तपास केला जात आहे. हत्येच्या घटनेनंतर परिसरात हळहळ व्यक्त केली जात आहे.

दरम्यान, तपासादरम्यान या हत्याकांडामागे लव्ह अँगल हा महत्त्वाचा मुद्दा असल्याचे समोर आले आहे. FIR नुसार, अमर पवार आरोपी दीपक पाल याची पत्नी आणि त्यांच्या अल्पवयीन मुलीसोबत 27 ऑगस्टच्या रात्री सारोळा-वीर रोडवरून पायी जात होता. त्यावेळी दीपक पाल त्यांचा पाठलाग करत तेथे आला आणि त्याला पत्नी व अमर यांच्यात प्रेमसंबंध असल्याचा संशय असल्याचे पोलिसांनी सांगितले आहे. मात्र, अमर आणि आरोपीच्या पत्नीमध्ये नेमका कोणत्या प्रकारचा संबंध होता आणि आरोपीला त्याबाबत कोणती माहिती मिळाली होती, याचा तपास सुरू आहे. पोलिसांकडून FIR, CCTV फुटेज आणि इतर पुराव्यांच्या आधारे संपूर्ण घटनाक्रमाची पडताळणी केली जात असून, या प्रकरणातील पुढील कारवाई तपासातून समोर येणाऱ्या तथ्यांनुसार केली जाणार आहे.