बिल गेट्स यांची धक्कादायक कबुली! लग्नानंतर ३ महिलांसोबत होते अनैतिक संबंध; एक रशियन अणुशास्त्रज्ञ तर दुसरी...

  माय्क्रोसॉफ्ट संस्थापक बिल गेट्स आपल्या तीन अफेअर्सबाबत मोठा खुलासा केला आहे. गेट्स यांनी दोषी ठरलेल्या लैंगिक गुन्हेगार जेफ्री एपस्टीनवर ...

 

माय्क्रोसॉफ्ट संस्थापक बिल गेट्स आपल्या तीन अफेअर्सबाबत मोठा खुलासा केला आहे. गेट्स यांनी दोषी ठरलेल्या लैंगिक गुन्हेगार जेफ्री एपस्टीनवर आपल्या विवाहबाह्य संबंधांची माहिती असल्याचा आरोप केला आहे.बिल गेट्स यांच्या मते, एपस्टीन त्यांना ब्लॅकमेल करण्याचा कट रचत होता, असा दावाही त्यांनी केला.

जेफ्री एपस्टीनच्या नेटवर्क आणि संबंधांची चौकशी करणाऱ्या यूएस हाउस ओव्हरसाइट कमिटीच्या अहवालात बिल गेट्स यांच्याविषयी ही माहिती उघड झाली आहे. न्याय विभागाने अलीकडेच नवीन कागदपत्रे प्रसिद्ध केली असून, त्यामुळे बिल गेट्स यांच्या एपस्टीनसोबतच्या पूर्वीच्या संबंधांची पुन्हा एकदा चौकशी सुरू झाली आहे.

या संदर्भात, खासदारांनी गेट्स यांचा जबाब नोंदवला. ते १० जून रोजी समितीसमोर हजर झाले होते. आपल्या साक्षीत गेट्स यांनी सांगितले की, एपस्टीनला दोन रशियन महिलांसोबतच्या आपल्या संबंधांची पूर्ण कल्पना होती.

गेट्स यांचे या तीन महिलांसोबत प्रेमसंबंध होते

बिल गेट्स यांचे तीन महिलांसोबक संबंध असल्याचे कबूल केले आहे. रशियन ब्रिज खेळाडू मिला अँटोनोवा आणि अणुभौतिकशास्त्रज्ञ करिश्मा निगमातुलिना यांच्यासोबत विवाहबाह्य संबंध होते. त्यांनी वैद्यकीय उद्योगपती ॲलिस जेकब्स नेसेलरोड यांच्यासोबतच्या विवाहबाह्य संबंधांनाही दुजोरा दिला.

मंगळवारी प्रसिद्ध झालेल्या त्यांच्या साक्षीच्या प्रतिलिपीनुसार, बिल गेट्स म्हणाले, "या प्रकरणांचा एपस्टीनसोबतच्या माझ्या संबंधांशी काहीही संबंध नव्हता, पण ती माझ्या कुटुंबासाठी अत्यंत क्लेशदायक होती. एपस्टीन माझ्याबद्दलच्या माहितीचा, खोट्या गोष्टींच्या मालिकेसह, माझ्यावर त्याच्यासोबत पुन्हा एकत्र येण्यासाठी दबाव आणण्याचा प्रयत्न करत होता."

बिल गेट्स यांनी एपस्टीनच्या कोणत्याही गुन्ह्यात आपला सहभाग असल्याचा स्पष्टपणे इन्कार केला असला तरी, त्याच्याशी संपर्क ठेवणे ही एक चूक होती हे त्यांनी मान्य केले. गेट्स यांनी सांगितले की, ते एपस्टीनला समाजकार्यांवर चर्चा करण्यासाठी भेटले होते.