पत्नी प्रियकरासोबत जात होती, नवऱ्याने रस्त्यात गाठलं अन्...

  Crime News : मध्य प्रदेशातील ग्वाल्हेर शहरात शुक्रवारी रात्री एका गर्भवती महिलेच्या अपहरणाची थरारक घटना घडली. भिंड जिल्ह्यातील रहिवासी असल...

 

Crime News : मध्य प्रदेशातील ग्वाल्हेर शहरात शुक्रवारी रात्री एका गर्भवती महिलेच्या अपहरणाची थरारक घटना घडली. भिंड जिल्ह्यातील रहिवासी असलेली ही महिला आपल्या प्रियकरासोबत, रामेंद्र सिंह भदौरिया याच्यासोबत उच्च न्यायालयातून जबाब देऊन परतत होती.त्यावेळी चेतकपुरी आणि नाका चंद्रवदनी चौकाच्या दरम्यान, तिच्या पतीने आपल्या वडील, भाऊ आणि बहिणीच्या मदतीने त्यांच्या गाडीला अडथळा निर्माण केला. आरोपी पतीने आधी रामेंद्रला बेदम मारहाण केली आणि त्यानंतर संबंधित महिलेचे केस धरून तिला बळजबरीने आपल्या गाडीत ओढून नेले. ही महिला सहा महिन्यांची गर्भवती असल्याने तिची सुरक्षा हा चिंतेचा विषय बनला आहे.

या प्रकरणाच्या मुळाशी प्रेमसंबंध आणि कौटुंबिक कलह असल्याचे समोर आले आहे. रामेंद्र हा सुमारे एक वर्षापूर्वी संबंधित महिलेच्या सासरी कितपुरा येथे भाड्याने राहत होता, तेव्हाच त्यांच्यात मैत्री झाली होती. महिलेचा पती तिच्याशी नेहमी मारहाण करायचा, ज्यामुळे तिने त्याच्यापासून वेगळे होण्याचा निर्णय घेतला होता. महिलेला आधीच्या पतीपासून दोन मुले आहेत, तरीही तिने आपल्या प्रेमाखातर वेगळे राहणे पसंत केले होते. शुक्रवारी ती न्यायालयात आपण पतीसोबत राहण्यास इच्छुक नाही, असा अधिकृत जबाब देऊन बाहेर पडली होती, मात्र वाटेतच तिच्या पतीने सूडाच्या भावनेतून हे अपहरण केपत्नीचं अफेअर असल्याचा संशय, पतीने सोशल मीडियावर 'तसले' व्हिडीओ टाकले

घटनेची माहिती मिळताच ग्वाल्हेर पोलिसांनी तातडीने सूत्रे हलवली आहेत. ग्वाल्हेरच्या सीएसपी हिना खान यांनी दिलेल्या माहितीनुसार, या प्रकरणी अपहरणाचा गुन्हा दाखल करण्यात आला असून आरोपींच्या शोधार्थ शहरात नाकाबंदी करण्यात आली आहे. ग्वाल्हेरमधून बाहेर जाणाऱ्या प्रत्येक मार्गावर पोलीस सखण तपासणी करत असून शेजारील जिल्ह्यांतील पोलीस यंत्रणेलाही सतर्क करण्यात आले आहे. पीडित महिला आणि तिचा पती दोघेही भिंडचे रहिवासी असल्याने पोलीस त्या दिशेनेही तपास करत आहेत. लवकरच महिलेला सुखरूप ताब्यात घेऊन आरोपींना अटक केली जाईल, असा विश्वास पोलिसांनी व्यक्त केला आहे.

या प्रकरणामुळे संबंधित परिसरात भीतीचे वातावरण असून गुन्हेगारांचे धाडस वाढल्याची चर्चा नागरिकांमध्ये आहे. उच्च न्यायालयातून बाहेर पडल्यानंतर संरक्षणाची मागणी असतानाही अशा प्रकारे भररस्त्यात अपहरण होणे हे प्रशासनासाठी आव्हानात्मक ठरले आहे. पोलीस आता या प्रकरणाचा सखोल तपास करत असून, आरोपी पतीने महिलेला कुठे नेले आहे, याचा शोध घेतला जात आहे. न्यायालयात जबाब दिल्यानंतर होणारी ही घटना कायद्याचा धाक राहिला नसल्याचे दर्शवणारी आहे. पोलीस प्रशासनाने या गुन्ह्यातील सर्व आरोपींना लवकरात लवकर अटक करण्यासाठी विशेष पथके तैनात केली आहेत.ले.