भाजप गटातील कार्यकर्त्यांच्या मृत्यूने खळबळ

  जयपूरचे भाजप नेते रामवतार असवाल उर्फ पप्पू यांची अतिशय क्रूर हत्या करून त्यांचा मृतदेह एका भंगारच्या गोदामात रक्ताच्या थारोळ्यात पडलेला आढ...

 

जयपूरचे भाजप नेते रामवतार असवाल उर्फ पप्पू यांची अतिशय क्रूर हत्या करून त्यांचा मृतदेह एका भंगारच्या गोदामात रक्ताच्या थारोळ्यात पडलेला आढळला. आस्वाल हे भाजप मोर्चाचे एससी मंडळाचे अध्यक्ष होते.

या हत्येच्या घटनेमुळे मोठी खळबळ उडाली असून राजकीय वर्तुळाला मोठा हादरा बसला आहे. या घटनेनंतर गावकरी आक्रमक झाली असून त्यांनी धरणे आंदोलन सुरू केले आहे. पोलिसांनी दिलेल्या माहितीनुसार, ही हत्या सोमवारी रात्री उशिरा मनोहरपरमध्ये झाली. मनोहरपुरमधील बसस्थानकाजवळील एक भंगार गोदामात रामावतार यांचा मृतदेह आढळला. यावेळी घटनेची माहिती मिळताच पोलीस घटणातस्थळी दाखल झाले आणि रामवतार यांना रुग्णालयात नेले मात्र डॉक्टरांनी तिथे त्यांना मृत घोषित केले.

Mumbai Drug Party: नेस्को ड्रग्ज पार्टी प्रकरणात मोठी कारवाई, बॉलिवूड अभिनेत्रीला अटक

रामवतार असवाल हे मनोहरपुरचे रहिवासी होते. रामवतार असवाल उर्फ पप्पू भाजपचे अनुसूचित जाति मोर्चा मंडळाचे अध्यक्ष होते. स्थानिक पातळीवर त्यांची एक सक्रिय राजकारणी आणि सामाजिक कार्यकर्ते म्हणून ओळख होती. त्यांच्या हत्येची माहिती मिळताच राजकीय वर्तुळात मोठी खळबळ उडाली असून संतापाचे वातावरण पसरले आहे.

CBSE अध्यक्ष राहुल सिंह आणि सचिव हिमांशू गुप्ता यांची बदली; मोदी सरकारची मोठी कारवाई

पोलिसांनी गोदाम आणि आजूबाजूचा परिसर सील करून तपास सुरू केला आहे. घटनास्थळावरून मिळालेले पुरावे आणि इतर तांत्रिक तपशिलांच्या आधारे मारेकऱ्यांचा शोध सुरू आहे. या हत्येमुळे संतप्त झालेल्या कुटुंबीयांनी आणि गावकऱ्यांनी मनोहरपुर पोलीस ठाण्यात जात हत्येकरांना तात्काळ अटक करण्याच्या मागणीसाठी धरणे आंदोलन केले.