महाराष्ट्रात आणखी एका भोंदूबाबाचा कारनामा उघड....

  मुंबई : भोंदूबाबा अशोक खरात याच्यानंतर मुंबईचा बाबा जान भोंदूचा कारनामा उघड झाला आहे. नवऱ्यावर त्याचंच स्पर्म वापरून काळीजादू केल्याचा दाव...

 

मुंबई : भोंदूबाबा अशोक खरात याच्यानंतर मुंबईचा बाबा जान भोंदूचा कारनामा उघड झाला आहे. नवऱ्यावर त्याचंच स्पर्म वापरून काळीजादू केल्याचा दावा त्याने संबंधित महिलेसमोर केला. काळी जादू उतरवण्यासाठी त्याने महिलेवर वारंवार अत्याचार केले.

महाड, पनवेल अशा ठिकाणी बोलावून त्याने महिलेवर अनेक वेळा शारीरिक अत्याचार केल्याचा आरोप पीडितेने पोलीस तक्रारीत केला आहे.

बाबा जान उर्फ अब्दुल रशीद याने भूतप्रेत उतरवतो असे सांगून महिलेवर वारंवार बलात्कार केल्याचे तक्रारीत म्हटले आहे. यासंदर्भात पीडित महिलेने सांताक्रूझ पोलिस ठाण्यात तक्रार दाखल केली असून, महाराष्ट्र नरबळी आणि जादूटोणा प्रतिबंध कायद्यानुसार बाबा जान याच्यावर गुन्हा दाखल करण्यात आला आहे.

मुलीच्या आजारपणाला कारण हे काळीजादू असल्याचे सांगून बाबा जान याने महिलेला महाडला बोलावून पुन्हा पुन्हा अत्याचार केले. तुला भूताने झपाटल्याने तुझ्या नवऱ्याशी तुझे भांडण होत आहे. तुझी मुलगी आजारी पडत आहे. तू पण आजारी पडशील, असे सांगून त्याने महिलेला भुलवल्याचे तिने पोलीस तक्रारीत म्हटले आहे. ऑगस्ट 2024 ते डिसेंबर 2024 या दरम्यान महाड, पनवेल, नवी मुंबई येथे बोलवून बाबाने अत्याचार केला, असे पीडित महिलेने पोलीस तक्रारीत म्हटले आहे.