प्रेयसीसोबतचे अश्लील फोटो नवविवाहितेला दाखवले अन्.

  नाशिक : नाशिकमध्ये नवविवाहित महिलेने विषप्राशन करून आत्महत्या केल्याची धक्कादायक घटना समोर आली आहे. नेहा संतोष पवार (वय २७, रा. हिरावाडी) ...

 

नाशिक : नाशिकमध्ये नवविवाहित महिलेने विषप्राशन करून आत्महत्या केल्याची धक्कादायक घटना समोर आली आहे. नेहा संतोष पवार (वय २७, रा. हिरावाडी) असे मृत महिलेचे नाव आहे. विवाहितेच्या सुसाईड नोटवरून नाशिकच्या पंचवटी पोलीस ठाण्यात गुन्हा दाखल करण्यात आला आहे.

पोलिस पुढील तपास करत आहेत.

पतीसह सासू आणि नणंदेकडून वारंवार चारित्र्यावर संशय घेत मानसिक त्रास दिला जात होता, या त्रासाला कंटाळून नेहा पवार या नवविवाहितेने लग्नानंतर ६ महिन्यातच आपलं जीवन संपवले आहे. टोकाचं पाऊल उचण्याआधी तिने पोलिस आणि भावाच्या नावे सुसाईड नोट लिहून ठेवली आहे. विवाहितेच्या सुसाईड नोटवरून नाशिकच्या पंचवटी पोलीस ठाण्यात गुन्हा दाखल केला आहे.

पोलिसांनी दिलेल्या माहितीनुसार, बुधवारी (ता. २६) दुपारी एक वाजताच्या सुमारास नेहा पवार यांनी राहत्या घरी विषारी औषधाचे सेवन केले. याबाबतची माहिती मिळताच पतीने तिला खासगी रुग्णालयात दाखल केले. सायंकाळी पावणेपाच वाजता वैद्यकीय अधिकाऱ्यांनी तपासून तिला मृत घोषित करून पोलिसांना कळवले. नेहा पवारने हे टोकाचं पाऊल उचलण्याआधी पोलिसांना उद्देशून 'सुसाइड नोट' लिहिली आहे.

सुसाइड नोटमध्ये म्हटले आहे की, ‘माझे नाव नेहा बापू डावरे उर्फ नेहा संतोष पवार असून, माझे लग्न ४ जून २०२५ रोजी रेशीमबंध बँक्वेट हॉलमध्ये झाले. १० मार्चला सुपारी फोडल्यावेळी माझ्या सासरच्यांनी म्हटले की, हुंडाप्रथा बंद आहे. तरी तुम्ही नवरदेवास त्याच्या अटी-शर्तीनुसार सोने, चांदी, पाच भांडे द्या. त्यानुसार माझ्या माहेरच्यांनी धुमधडाक्यात लग्न लावून दिले. लग्नानंतर सासरचे भांडण करीत नाही पण, मानसिक त्रास देतात. मोबाइलवर सारखी बोलते, घरकाम येत नाही, पतीला उलटसुलट सांगते. सिलिंडर टाकी एक महिन्यातच संपते. पतीचे लग्नाआधीपासून एका युवतीसोबत प्रेमसंबंध असून, पतीने तिला दोघांचे अश्लील फोटो दाखवले होते. सासरची आर्थिक परिस्थिती नाजूक असल्याने आणि सासरचे लोक पैशांची मागणी करू लागल्याने माहेरहून २० हजार रुपये आणून दिले. दिवाळीसाठी १५ दिवस माहेरी पाठवले. मात्र, दहाव्या दिवशी सासू व पतीने सासरी येण्यास सांगितले. नियमित मासिक पाळी येत नसल्याने सासरच्या लोकांनी त्रास दिला. भाऊ सासरच्या लोकांना मी लिहिलेली चिठ्ठी सापडली तर ते गायब करतील, म्हणून चिठ्ठीचे फोटो काढून सगळ्यांना पाठवत आहे. माझे नशीब खराब असून, मला सासर चांगले मिळाले नाही. म्हणून मी आत्महत्या करीत आहे.’

एक नणंद माहेरी येऊन बसली आहे. तिच्यासह तिच्या मुलांचंही करावे लागते. नंणंदा, नवरा, सासूचे कान भरतात, त्यावरुन घरात मानसिक छळ केला जात आहे. ती काहीच काम करत नाही, सतत मोबईलवर असते, माहेरच्यांशी सारखी गप्पा मारत असते असे कान भरतात. माझ्या सासरच्यांनी माझी फसवणूक केली. 15 लाख रुपये देऊन माझ्या भावाने लग्न लावले. माझ्या नवऱ्याची परिस्थिती खराब आहे असं दाखवण्यात आलं, म्हणून मी माझ्या माहेरातून 20 हजार रुपये मदत आणून दिली. ते दिले नसते तर त्यांनी अजून छळ केला असता अशी भीती सतत मनात होती. माझ्या घरच्यांनाही माझ्याविरोधात भडकवण्यात आले. नांदायला आल्यापासून नवऱ्याने दोन वेळा मारले. आईवरुन शिवीगाळ करतो. इतकंच नाही तर माहेरी तुझा कोणी यार ठेवला असेल असे सतत बोलून चारित्र्यावर संशय घेत होता. अंगावर काटा आणणारी ही चिठ्ठी आहे. ही चिठ्ठी सासरच्यांच्या हाती लागली तर पुरावे नष्ट करतील म्हणून विवाहितेनं चिठ्ठी लिहून त्याचे फोटो भावाला पाठवले.