अजित पवार यांना नडणाऱ्या IPS अंजली कृष्णा आहेत तरी कोण?

पुणे : राज्याचे उपमुख्यमंत्री अजित पवार यांनी एका महिला पोलिस अधिकाऱ्यावर फोनवरुन दादागिरी केल्याचा व्हिडीओ सध्या व्हायरल होत आहे. अजित पवार...

पुणे : राज्याचे उपमुख्यमंत्री अजित पवार यांनी एका महिला पोलिस अधिकाऱ्यावर फोनवरुन दादागिरी केल्याचा व्हिडीओ सध्या व्हायरल होत आहे. अजित पवारांच्या या संवादाचा व्हिडीओ व्हायरल झाल्यानंतर, आणि माध्यमांत हे वृत्त झळकल्यानंतर आता संबंधित गावातील शेतकरी आणि फोन लावणाऱ्यांवर कारवाईचा बडगा उगारण्यात आला आहे.

अजित पवार यांना अडचणीत आणणाऱ्या सोलापुरातील कुर्डू येथील 15 ते 20 जणांवर गुन्हा दाखल करण्यात आला आहे. सरकारी कामात अडथळा निर्माण केल्याप्रकरणी हा गुन्हा दाखल करण्यात आला आहे. याप्रकरणी, ग्राम महसूल अधिकारी प्रीती शिंदे यांनी तक्रार दिली होती.

कुर्डू गावातील मुरुम उपसा करताना महिला पोलिस उपअधिक्षक अंजना कृष्णा यांनी अडवणूक केल्यानंतर येथील एका कार्यकर्त्याने थेट अजित पवार यांना फोन लावून कारवाई थांबवण्याची विनंती केली होती. त्यावेळी, अजित पवार यांनीही फोनवरुन संबंधित महिला अधिकाऱ्याला कारवाई थांबवा, मी तुम्हाला आदेश देतो, असे म्हणत दादागिरीची भाषा केल्याचा व्हिडीओ व्हायरल झाला होता. त्यामुळे, अजित पवार यांच्यावर टीकेची झोड उठल्याने आता संबंधित ग्रामस्थांविरुद्ध गुन्हा दाखल झाला आहे.

कुर्डू गावात रस्त्यासाठी मुरुम उत्खनन होत असल्याची तक्रार आल्यानुसार करमाळ्याच्या पोलिस उपअधिक्षक अंजना कृष्णा या घटनास्थळी पोहचल्या. मुरुम उचलण्याच्या मुद्यावरुन कुर्डू गावातील नागरीक आणि अंजली कृष्णा यांच्यामध्ये शाब्दिक चकमक झाली. यावेळी राष्ट्रवादी काँग्रेसचे बाबा जगताप या कार्यकर्त्याने थेट उपमुख्यमंत्री अजित पवार यांना फोन लावून अंजली कृष्णा यांच्या हातात दिला. मात्र, त्यांना अजित पवार आणि त्यांचा आवाज ओळखता आला नाही. तिकडून अजित पवार दोनदा सांगताना दिसले की डीसीएम अजित पवार बोल रहा हूं. ये कार्यवाही बंद करो…मेरा आदेश हैं.. त्यावर कृष्णा म्हणतात, मेरे फौन पर कॉल करें.. त्यावर अजित पवार म्हणताहेत.. की तुम पे अॅक्शन लूंगा.. इतनी डेरिंग है तुम्हारी.. मेरा चेहरा तो पेहचानोगा ना..असे रागावून अजित पवार बोलले आणि अजित पवार यांनी व्हिडीओ कॉल केला. त्यावर कृष्णा बांधावरच जाऊन बसून अजित पवार यांच्याशी बोलताना दिसल्या…यात अजित पवार कार्यवाही थांबवण्याचे आदेश देत असल्याचे पहायला मिळत असून…माझा फोन आलाय…तहसीलदारांना सांगा असे पवार सांगताना दिसतात.

कोण आहेत आयपीएस अंजना कृष्णा…

1. आयपीएस अंजना कृष्णा मूळच्या केरळच्या त्रिवेंद्रममधल्या

2. 2023 मध्ये यूपीएससी 355 रँकने उत्तीर्ण, आयपीएस केडर

3. सुरुवातीला होम केडर, त्रिवेंद्रममध्ये एसीपीची जबाबदारी

4. मग महाराष्ट्रात सोलापूर ग्रामीण पोलिसात कार्यरत

5. प्रोबेशन कालावधीत पंढरपूरमध्ये उपविभागीय पोलिस अधिकारी

6. अतिशय कडक शिस्तीच्या अधिकारी अशी ओळख निर्माण

7. करमाळ्यात अवैध व्यवसायाविरोधात कारवाईचा धडाका

8. दोन दिवसांपूर्वी अवैध मुरूम उपसा सुरू असताना माढा तालुक्यातील कुर्डू येथे कारवाई

9. याच कारवाईसंदर्भात अजित पवार यांच्याशी बोलताना ठाम भूमिका