"या" राज्यात पहाटे भूकंपाचे तीव्र धक्के.

अरुणाचल प्रदेशमध्ये सोमवारी पहाटे भूकंपाचे धक्के जाणवले. नॅशनल सेंटर फॉर सिस्मोलॉजी (NCS) नुसार, भूकंपाची तीव्रता 3.2 रिश्टर स्केल होती आणि ...

अरुणाचल प्रदेशमध्ये सोमवारी पहाटे भूकंपाचे धक्के जाणवले. नॅशनल सेंटर फॉर सिस्मोलॉजी (NCS) नुसार, भूकंपाची तीव्रता 3.2 रिश्टर स्केल होती आणि तो सकाळी 3 वाजून 1 मिनिटांनी आला.

भूकंपाचे केंद्र अरुणाचल प्रदेशातील अपर सियांग येथे 10 किलोमीटर खोलीवर होते. सुदैवाने, या भूकंपात कोणतीही जीवितहानी किंवा मालमत्तेचे नुकसान झाल्याची माहिती नाही.

गुजरातमध्येही जाणवले होते भूकंपाचे धक्के

यापूर्वी, रविवारी गुजरातच्या कच्छ जिल्ह्यात 3.1 आणि 2.6 रिश्टर स्केल तीव्रतेचे भूकंपाचे धक्के जाणवले होते. कच्छ जिल्हा भूकंपासाठी अत्यंत संवेदनशील क्षेत्र मानले जाते, जिथे कमी तीव्रतेचे भूकंप नेहमीच होत असतात. 2001 मध्ये कच्छमध्ये आलेल्या विनाशकारी भूकंपात सुमारे 13,800 लोकांचा मृत्यू झाला होता आणि 1.67 लाख लोक जखमी झाले होते.