नवविवाहित सुनेला तिच्या प्रियकरासोबत नको त्या अवस्थेत पाहिलं अन् काही वेळातचं संपवलं.

  नांदेड: बापाने आपल्या पोटच्या विवाहित मुलीची आणि तिच्या प्रियकराची हत्या करून मृतदेह चाळीस फूट खोल विहिरीत फेकल्याची धक्कादायक घटना घडली आ...

 

नांदेड: बापाने आपल्या पोटच्या विवाहित मुलीची आणि तिच्या प्रियकराची हत्या करून मृतदेह चाळीस फूट खोल विहिरीत फेकल्याची धक्कादायक घटना घडली आहे. आरोपी बाप स्वतःहून पोलिस ठाण्यात हजर झाल्यानंतर त्याने या घटनेची माहिती दिली.

उमरी तालुक्यातील गोळेगाव येथे ही घटना घडली असून, परिसरात खळबळ उडाली आहे.

संजीवनी कमळे (वय 19) आणि लखन बालाजी भंडारे (वय 19) अशी मृतांची नावे आहेत. संजीवनी सुरने ही उमरी तालुक्यातील बोरजुन्नी येथील रहिवासी आहे. गोळेगाव येथील सुधाकर कमळे या युवकासोबत संजीवनीचा एक वर्षापूर्वी विवाह झाला होता. विवाहापूर्वी संजीवनी हिचे लखन भंडारे या युवकासोबत प्रेम संबंध होते. लग्नानंतर सुद्धा दोघांमध्ये फोनवर बोलणं सुरुच होते. संजीवनी हिच्या सासरचे मंडळी सोमवारी बाहेर गेल्याने संजीवनी हिने आपल्या प्रियकराला घरी बोलवले. परंतु, अचानक घरी परतलेल्या पती आणि सासरच्या मंडळींनी संजीवनी आणि तिच्या प्रियकराला नको त्या अवस्थेत बघितले. त्यानंतर संजीवनी हिच्या पतीने सासऱ्यांना फोन करून बोलावले आणि मुलीला घरी घेऊन जाण्यास सांगितले.

मुलीचे वडील मारोती सुरणे, काका माधव सुरणे आणि आजोबा लक्ष्मण सुरणे हे तिघे जण मुलीच्या सासरी गेले. आरोपींनी मुलीला आणि तिच्या प्रियकराला घेऊन जातं असताना करकाळा शिवारात दोघांना बेदम मारहाण करून त्यांची हत्या केली. त्यानंतर चाळीस फूट खोल असलेल्या विहरीत दोघांचे मृतदेह फेकून दिले. घटनेनंतर सायंकाळी 5 वाजण्याच्या सुमारास मुलीचे वडिल मारोती सुरणे हे उमरी पोलिस ठाण्यात पोहचले आणि मी मुलीला आणि तिच्या प्रियकराला मारून विहरीत फेकल्याचे सांगितले.

दरम्यान, पोलिस आरोपीला घेऊन घटनास्थळी पोहचले. सायंकाळी सात वाजता मुलीचे प्रेत बाहेर काढण्यात आले. सदर घटनेची माहिती मिळताच अप्पर पोलिस आधिक्षक अर्चना पाटील, उपविभागीय पोलिस आधिकारी दशरथ पाटील यांनी घटनास्थळी भेट दिली. यावेळी उमरी पो स्टे चे सहाय्यक पोलिस निरीक्षक अंकुश माने यांनी घटनास्थळीचा पंचनामा केला. या प्रकरणी उमरी पोलिस ठाण्यात मुलीचे आजोबा लक्ष्मण सुरणे, वडील मारोती सुरणे आणि काका माधव सुरणे या तिघांना ताब्यात घेतले. पोलिस पुढील तपास करत आहेत.