लातूर! सुटकेसमध्ये मृतावस्थेत आढळला युवतीचा मृतदेह.

लातूर: लातूर जिल्ह्यातील वाढवणा-चाकूर रोडवर शेळगाव परिसराजवळ असलेल्या तिरु नदीच्या बाजूला झुडपात एक बॅग आढळली आहे. या बॅगेत अज्ञात युवतीचा म...

लातूर: लातूर जिल्ह्यातील वाढवणा-चाकूर रोडवर शेळगाव परिसराजवळ असलेल्या तिरु नदीच्या बाजूला झुडपात एक बॅग आढळली आहे. या बॅगेत अज्ञात युवतीचा मृतदेह कुजलेल्या अवस्थेत आढळून आल्याने परिसरात मोठी खळबळ उडाली आहे.

मृतदेह कुजलेल्या अवस्थेत असल्याने परिसरात लांबपर्यंत दुर्गंधी पसरली होती. परिसरातील एका शेतकऱ्याने शोध घेतल्यानंतर ही भयानक घटना उघडकीस आली. घटनेची माहिती मिळताच परिसरातील नागरिकांनी मोठी गर्दी केली होती. चाकूर आणि वाढवणा पोलिस तात्काळ घटनास्थळी दाखल झाले होते. मृतदेहाची अवस्था पाहता, महिलेची हत्या करून पुरावा नष्ट करण्याच्या उद्देशाने तो बॅगेत भरून झुडपात फेकून दिला असावा, अशी शक्यता पोलिसांनी व्यक्त केली आहे.

घटनेची माहिती मिळताच चाकूर पोलिस, वाढवणा पोलिस स्टेशनचे अधिकारी, स्थानिक गुन्हे शाखा (LCB) पथक आणि मोबाईल व्हॅन पथक तातडीने घटनास्थळी दाखल झाले. पोलिसांनी पंचनामा करून मृतदेह शवविच्छेदनासाठी पाठवला. मृतदेह कोणाचा आहे, या खुनामागचं नेमकं कारण काय आणि मारेकरी कोण आहे? याचा कसून तपास सुरू आहे. मृतदेहाची ओळख पटवण्याचे काम पोलिस करत आहेत.