इन्स्टाग्रामवर ओळख! पहिल्याच भेटीत केली शारिरीक सुखाची मागणी अन्.

  मंड्या (कर्नाटक): पुनीत आणि प्रीती यांची चार दिवसांपूर्वी इन्स्टाग्रामवर ओळख झाली होती. या ओळखीनंतर पाचव्या दिवशीच पुनीतने प्रीतीला भेटायल...

 

मंड्या (कर्नाटक): पुनीत आणि प्रीती यांची चार दिवसांपूर्वी इन्स्टाग्रामवर ओळख झाली होती. या ओळखीनंतर पाचव्या दिवशीच पुनीतने प्रीतीला भेटायला बोलावले. पहिल्याच भेटीत शारिरीक सुखाची मागणी केल्यानंतर युवतीने विरोध केला.

यानंतर आरोपी पुनीतनं युवतीची निर्घृण हत्या केल्याची धक्कादायक घटना मंड्या येथे घडली आहे. पोलिसांनी आरोपीला अटक केली आहे.

मृत प्रीती (वय ३५) ही विवाहित असून ती कर्नाटकच्या हसन जिल्ह्यातील होसाकोप्पलु गावची रहिवासी होती. प्रियकर तरुण मंड्या जिल्ह्यातील रहिवासी आहे. हत्येच्या चार दिवस आधी दोघांची इन्स्टाग्रामवर ओळख झाली होती. पाचव्या दिवशी एकमेकांना भेटल्यानंतर आरोपीने शारिरीक सुखाची मागणी केली. युवतीने नकार दिल्यानंतर पुनीतने प्रीतीची हत्या केली आणि तीचा मृतदेह शेतात पुरला. दरम्यान, महिलेच्या पतीने सोमवारी हसनमधील पोलिसांकडे प्रीती बेपत्ता असल्याची तक्रार दाखल केली होती.

तक्रारीच्या आधारे पोलिसांनी तपास केला असता, मंड्या येथील एका शेतात महिलेचा मृतदेह आढळून आला. मंड्या पोलीस अधीक्षकांनी ही दिलेल्या माहितीनुसार पुनीत आणि प्रीती चार दिवसांपूर्वी सोशल मीडियावर भेटले होते. रविवारी दोघांची भेट झाली आणि शारीरिक संबंधावरून वाद झाल्याने पुनीतने प्रीतीवर हल्ला केल्याचे सांगितले. हत्या केल्यानंतर आरोपी पुनीतने महिलेच्या अंगावरील सोन्याचे दागिने काढून घेतले आणि तिचा मृतदेह करोती गावातील त्याच्या शेतात पुरला.

हत्येची घटना उघडकीस आल्यानंतर पोलिसांनी महिलेचे मोबाईल नेटवर्क ट्रेस केले. ती कुठे फिरत होती याचा मार्ग पोलिसांनी शोधून काढला. यानंतर सोशल मीडियावर चॅट आणि कॉल डिटेलच्या आधारे पोलिसांनी पुनीतला ताब्यात घेतले. आरोपी पुनीतची चौकशी केली असता त्याने गुन्ह्याची कबुली दिली. अवघ्या चार दिवसांपूर्वी ओळख झालेल्या युवकाने अशाप्रकारे विवाहित महिलेची हत्या केल्याने परिसरात खळबळ उडाली आहे. पोलिस पुढील तपास करत आहेत.