संतापजनक! पत्नीच्या गुप्तांगाला हळदी-कुंकू लावत पिळले लिंबू.

पुणे: पत्नीने कोर्टामध्ये पोटगीचा दावा दाखल केल्यामुळे विभक्त राहणाऱ्या पत्नीच्या गळ्याला कोयता लावत जबरदस्तीने शारीरिक अत्याचार केला. त्यान...

पुणे: पत्नीने कोर्टामध्ये पोटगीचा दावा दाखल केल्यामुळे विभक्त राहणाऱ्या पत्नीच्या गळ्याला कोयता लावत जबरदस्तीने शारीरिक अत्याचार केला. त्यानंतर हळदी-कुंकु लावलेल्या लिंबाच्या चार फोडी पत्नीच्या गुप्तांगात पिळल्याचा संतापजनक प्रकार पिंपळे निलख येथे घडला आहे.

याबाबत पीडित महिलेने (वय ३६) 11 एप्रिल रोजी सांगवी पोलिस ठाण्यात फिर्याद दिली आहे.

फिर्यादी महिला आणि आरोपी पती या दोघांचा 2004 मध्ये विवाह झाला आहे. या दाम्पत्याला 2 मुले आहेत. लग्नानंतर काही वर्षांतच आरोपी पती हा पत्नीच्या चारित्र्यावर संशय घेत होता. सातत्याने हे वाद होऊ लागल्याने 2023 मध्ये पीडित महिला आपल्या दोन्ही मुलांना घेऊन बालेवाडी येथे राहण्यासाठी गेली. त्यानंतर आरोपी पती हा पिंपळे निलख परिसरात दुसऱ्या ठिकाणी राहण्यासाठी गेला. दरम्यान, मुलांची शाळा सुरू होणार असल्याने आणि त्यांची वह्या पुस्तके पतीच्या घरीच असल्याने पत्नी ते आणण्यासाठी पतीच्या घरी गेली.

महिलेची आई, मामी आणि मुले ही सोसायटीच्या पार्किंगमध्ये थांबली होती. यावेळी तिचा पती दारू प्यायलेला होता. मुलांच्या शाळेच्या साहित्यासाठी आली आणि काय काय समान घेऊन जाते, असे म्हणत पतीने पीडित पत्नीला शिवीगाळ करण्यास सुरुवात केली. पतीने मद्यप्राशन केले असल्यामुळे पत्नीने त्याला प्रत्युत्तर दिले नाही. पतीने घरातील कोयता काढला. त्यानंतर हा कोयता पत्नीच्या गळ्यावर ठेवला. त्यानंतर पत्नीला कपडे जबरदस्तीने काढायला लावले. त्यानंतर पत्नीच्या इच्छेविरुद्ध शारीरिक संबंध प्रस्थापित केले. त्यानंतर पतीने घरातून हळदी कुंकू लावलेल्या लिंबाच्या चार फोडी आणल्या. लिंबाच्या फोडी पतीने पत्नीच्या गुप्तांगात पिळल्या. 'मी तुझ्यावर जादूटोणा केला आहे. तू आता वेडी होणार आहेस. हा प्रकार कोणाला सांगितला तर तुझा मर्डर करतो' अशी धमकीही त्याने दिली. हा भयंकर प्रकार घडल्यावर संबंधित महिला कोणाला काही न बोलता आई आणि मुलांसह घरी गेली. काही दिवसानंतर तिने हा प्रकार आपल्या आई आणि मामीला सांगितला.

दरम्यान, घडलेला प्रकार कोणाला सांगावा हे कुटुंबीयांना कळत नव्हते. त्यानंतर पीडित महिलेच्या कुटुंबातील परिचित असणाऱ्या आंबेडकरी चळवळीतील कार्यकर्त्याला सांगितला.त्यानंतर पीडित महिलेला घेऊन सांगवी पोलिस ठाण्यात गेले आणि फिर्याद नोंदवली. फौजदार तेजस्विनी म्हेशाळे पुढील तपास करीत आहेत.