पुणे-नाशिक महामार्गावर एक भीषण अपघात झाल्याची घटना घडली आहे. आयशर आणि एसटीच्या मध्ये छोटा आयशर टेम्पो अडकल्याने अपघात झाला आहे. या अपघातात...
पुणे-नाशिक महामार्गावर एक भीषण अपघात झाल्याची घटना घडली आहे. आयशर आणि एसटीच्या मध्ये छोटा आयशर टेम्पो अडकल्याने अपघात झाला आहे. या अपघातात नऊ जणांचा जागीच मृत्यू झाल्याची घटना घडली आहे.
ही घटना नारायणगाव जवळ घडली असून यामध्ये आणखी काही मृतांचा आकडा वाढण्याची शक्यता वर्तवली जात आहे.
या अपघाताची माहिती मिळताच स्थानिक नागरिक आणि पोलिसांनी घटनास्थळी धाव घेत, जखमींना तात्काळ खासगी आणि शासकीय रुग्णालयात दाखल करण्यात आले. त्यांच्यावर सध्या उपचार सुरू असून त्यातील काहींची प्रकृती गंभीर असल्याची प्राथमिक माहिती मिळत आहे.
याबाबत घटनास्थळावरून मिळालेल्या माहितीनुसार, पुणे – नाशिक महामार्गावर जात असताना एसटीच्या मागे हा छोटा टेंम्पो जात होता. तर त्याच्या पाठीमागून आयशर गाडी प्रवास करत होती. मात्र, आयशरने जोरात धडक दिल्याने छोटा टेम्पो हा बसवर जाऊन आदळला. दोन्ही गाड्यांच्यामध्ये आल्याने छोटा टेम्पो मधील प्रवासी हे गंभीर जखमी झाले आहेत.
COMMENTS