जुन्नर येथील डिसेंटच्या नेत्र शिबिरास चांगला प्रतिसाद.

प्रतिनिधी : प्रा. प्रविण ताजणे ( सर ) आज बुधवार दिनांक २१ ऑगस्ट २०२४ रोजी जुन्नर, ता. जुन्नर, जि. पुणे येथील गुरुवर्य हभप कोंडाजीबाबा डेरे आ...

प्रतिनिधी : प्रा. प्रविण ताजणे ( सर )

आज बुधवार दिनांक २१ ऑगस्ट २०२४ रोजी जुन्नर, ता. जुन्नर, जि. पुणे येथील गुरुवर्य हभप कोंडाजीबाबा डेरे आश्रमातील सभागृहामध्ये मोफत नेत्र तपासणी व मोतीबिंदू शस्त्रक्रिया शिबिर संपन्न झाले. यावेळी १०९ रुग्णांची तपासणी करण्यात आली. असून २१ रुग्णांना मोतीबिंदू शस्त्रक्रियेसाठी शंकरा आय हॉस्पिटल पनवेल येथे पाठविण्यात आले.रुग्णांना तपासणी,मोतिबिंदू शस्त्रक्रिया,प्रवास,निवास,जेवण ,चष्मा व एक महिन्याची औषधे या सर्व सुविधा मोफत दिल्या जाणार आहेत. 

गेल्या सात महिन्यात डिसेंट फाउंडेशन व शंकरा हॉस्पिटल पनवेल यांच्या मध्यातून १८६७ नेत्र रुग्णांच्या मोतीबिंदू शस्त्रक्रिया यशस्वी झाल्या असून त्यांना नवीन दृष्टी मिळाल्याचा आनंद त्यांच्या चेहऱ्यावर दिसत आहे. 

संपूर्ण जुन्नर तालुका हा मोतीबिंदू मुक्त करण्याचा संकल्प डिसेंट फाउंडेशन ने केला असून, त्यासाठी तालुक्यातील विविध सामाजिक संस्था व ज्येष्ठ नागरिक संघ आम्हाला सहकार्य करत आहेत.

याप्रसंगी विघ्नहर सहकारी साखर कारखान्याचे चेअरमन सत्यशीलदादा शेरकर, तालुका आरोग्य अधिकारी डॉ. अश्विनी कुळमेथे, डिसेंट फाउंडेशनचे संस्थापक जितेंद्र बिडवई,सचिव डॉ.फकीर आतार,संचालक आदिनाथ चव्हाण, शंकरा आय हॉस्पिटल चे शिबिर समन्वयक प्रकाश पाटील,डॉ. दयानंद गायकवाड,डॉ.अश्विन पवार,डॉ.गोसावी, ज्येष्ठ नागरिक जुन्नर तालुका समन्वय समिती अध्यक्ष प्रा.एकनाथ डोंगरे,सुधाकर वाडकर, पांडुरंग मोढवे, गोविंद हिंगे,देवदत्त महाराज ताजने, लक्ष्मण महाराज मुरकुटे ,ऑप्टिशियन विलास बेंद्रे,गणेश मेहेर, योगेश वाघचौरे आदी मान्यवर, नेत्र रुग्ण व नागरिक मोठ्या संख्येने उपस्थित होते.