डिसेंटच्या नेत्र शिबिरांना मिळतोय उदंड प्रतिसाद.

प्रतिनिधी : प्रा. प्रविण ताजणे ( सर ) आज सोमवार दिनांक २४ जून २०२४ रोजी सावरगाव, ता. जुन्नर, जि. पुणे येथील प्राथमिक आरोग्य केंद्रामध्ये डिस...

प्रतिनिधी : प्रा. प्रविण ताजणे ( सर )

आज सोमवार दिनांक २४ जून २०२४ रोजी सावरगाव, ता. जुन्नर, जि. पुणे येथील प्राथमिक आरोग्य केंद्रामध्ये डिसेंट फाउंडेशन पुणे , शंकरा आय हॉस्पिटल पनवेल व ग्रामपंचायत सावरगाव यांच्या संयुक्त विद्यमाने आठवे मोफत नेत्र तपासणी व मोतीबिंदू शस्त्रक्रिया शिबिर संपन्न झाले. या शिबिराला परिसरातून नागरिकांचा उस्फुर्त प्रतिसाद मिळत आहे. या शिबिरात ६५ जणांची नेत्र तपासणी करण्यात आली व ३० नेत्र रुग्णांना मोतीबिंदू शस्त्रक्रियेसाठी शंकरा आय हॉस्पिटल पनवेल येथे पाठवण्यात आले. 

रुग्णांना तपासणी, मोतीबिंदू शस्त्रक्रिया, प्रवास, निवास, जेवण, चष्मा व एक महिन्याची औषधे या सर्व सुविधा मोफत दिल्या जाणार आहेत. तसेच या शिबिरामध्ये तिरळेपणावरील शस्त्रक्रिया देखील मोफत केल्या जाणारा असून नागरिकांनी याचा लाभ घ्यावा. असे आवाहन डिसेंट फाउंडेशनचे संचालक आदिनाथ चव्हाण यांनी केले. 

याप्रसंगी माजी जिल्हा परिषद सदस्य मोहित ढमाले,डिसेंट फाऊंडेशनचे संस्थापक जितेंद्र बिडवई, शंकरा आय हॉस्पिटलचे शिबिर समन्वयक प्रकाश पाटील, डॉ.श्रुती व त्यांची सर्व टीम ,सरपंच दीपक बाळसारफ, डिसेंट फाऊंडेशनचे सचिव डॉ. फकीर आतार, वैद्यकीय अधिकारी डॉ.स्वाती ढगे , डॉ.अनिकेत पाखरे, डिसेंट फाऊंडेशनचे समन्वयक योगेश वाघचौरे ,परिचारिका, आशा सेविका व ग्रामस्थ मोठ्या संख्येने उपस्थित होते.