संकल्प डिसेंट फाउंडेशनचा मोतीबिंदू मुक्त तालुक्याचा

  आज रविवार दिनांक १६ जून २०२४ रोजी ओतूर, ता. जुन्नर, जि. पुणे येथील ग्रामपंचायत सभागृहामध्ये मोफत नेत्र तपासणी व मोतीबिंदू शस्त्रक्रिया शिब...

 

आज रविवार दिनांक १६ जून २०२४ रोजी ओतूर, ता. जुन्नर, जि. पुणे येथील ग्रामपंचायत सभागृहामध्ये मोफत नेत्र तपासणी व मोतीबिंदू शस्त्रक्रिया शिबिर संपन्न झाले. यावेळी १०७ रुग्णांची तपासणी करण्यात आली असून २८ रुग्णांना मोतीबिंदू शस्त्रक्रियेसाठी शंकरा आय हॉस्पिटल पनवेल येथे पाठविण्यात आले.रुग्णांना तपासणी,मोतिबिंदू शस्त्रक्रिया,प्रवास,निवास,जेवण ,चष्मा व एक महिन्याची औषधे या सर्व सुविधा मोफत दिल्या जाणार आहेत. 

गेल्या सहा महिन्यात डिसेंट फाउंडेशन, शंकरा हॉस्पिटल पनवेल, विविध सामाजिक संस्था व तालुक्यातील ज्येष्ठ नागरिक संघाच्या माध्यमातून पंधराशे नेत्र रुग्णांच्या मोतीबिंदू शस्त्रक्रिया यशस्वी झाल्या असून त्यांना नवीन दृष्टी मिळाल्याचा आनंद त्यांच्या चेहऱ्यावर दिसत आहे. 

*चौकट*

संपूर्ण जुन्नर तालुका हा मोतीबिंदू मुक्त करण्याचा संकल्प डिसेंट फाउंडेशन ने केला असून, त्यासाठी तालुक्यातील विविध सामाजिक संस्था व ज्येष्ठ नागरिक संघ आम्हाला सहकार्य करत आहेत. जितेंद्र बिडवई 

संस्थापक डिसेंट फाउंडेशन पुणे

याप्रसंगी माजी जिल्हा परिषद सदस्य मोहित ढमाले, डिसेंट फाउंडेशनचे संस्थापक जितेंद्र बिडवई, शिबिर समन्वयक प्रकाश पाटील, सरपंच छाया तांबे, डिसेंट फाउंडेशनचे सचिव डॉक्टर फकीर आतार, संचालक आदिनाथ चव्हाण, ज्येष्ठ नागरिक संघ तालुका समन्वय समिती अध्यक्ष प्राध्यापक एकनाथ डोंगरे, ज्येष्ठ नागरिक संघाचे अध्यक्ष महादेव ओतुरकर, दिलीप घोलप, भिवाजी माळवे, शंकर भिसे, दत्तात्रय डुंबरे, प्रसाद ढमाले, महेश घोलप आदी मान्यवर, नेत्र रुग्ण व ग्रामस्थ मोठ्या संख्येने उपस्थित होते.