जुन्नर : सामाजिक वनीकरण विभाग मार्फत विद्यार्थ्यांसाठी नेचर कॅम्पचे आयोजन.

  जुन्नर : सामाजिक वनीकरण विभाग, जुन्नर मार्फत राष्ट्रीय हरीत सेना उपक्रमांतर्गत जुन्नर येथील  शंकरराव बुट्टे पाटील विद्यालय आणि कृष्णराव मु...

 

जुन्नर : सामाजिक वनीकरण विभाग, जुन्नर मार्फत राष्ट्रीय हरीत सेना उपक्रमांतर्गत जुन्नर येथील  शंकरराव बुट्टे पाटील विद्यालय आणि कृष्णराव मुंढे  विद्यालय येथील ८० विद्यार्थ्यांकरिता नेचर कॅम्पचे आयोजन पश्चिम पट्ट्यातील आदिवासी भागातील निसर्गरम्य नाणेघाट येथील देवराई जंगलात करण्यात आले होते, अशी माहिती सामाजिक वनिकरण विभागाच्या वन परिक्षेत्र अधिकारी स्नेहा राऊत यांनी दिली.

जंगल भटकंती अंतर्गत पक्षी निरीक्षण, निसर्ग भ्रमंतीचे आयोजन करण्यात आले होते. या वेळी निसर्ग अभ्यासक यश मस्करे, पक्षीमित्र सुभाष कुचिक यांनी विद्यार्थ्यांना मार्गदर्शन केले. 

या प्रसंगी मुख्याध्यापक बाळासाहेब कवडे, पर्यवेक्षक संजय खराडे, शिक्षक प्रफुल्ल बोऱ्हाडे, हिरामण शिंगोटे, सतीश गायकवाड, निलेश काशीद, प्रशांत घुले, प्रदीप जुगदर, सुभाष आढारी, ललिता थोरवे, रेणुका परबत, वनविभागाचे सचिन मोढवे, फल्ले मॅडम आदी उपस्थित होते.

विविध जातीचे पक्षी, फुलपाखरे,  सांबर, राज्य प्राणी शेकरू, वनस्पती यांची माहिती विद्यार्थ्यांना देण्यात आली.