कृषी विज्ञान केंद्र नारायणगाव आयोजित कृषी प्रदर्शनाला जिल्हा परिषद प्राथमिक शाळा सुराळे येथील विद्यार्थ्यांची क्षेत्रभेट...

प्रतिनिधी : शरद शिंदे नारायणगाव : आज शनिवार, दिनांक १० फेब्रुवारी २०२४ रोजी जिल्हा परिषद प्राथमिक शाळा सुराळे विद्यार्थ्यांनी कृषी विज्ञान क...

प्रतिनिधी : शरद शिंदे

नारायणगाव : आज शनिवार, दिनांक १० फेब्रुवारी २०२४ रोजी जिल्हा परिषद प्राथमिक शाळा सुराळे विद्यार्थ्यांनी कृषी विज्ञान केंद्र नारायणगाव आयोजित कृषी प्रदर्शनाला क्षेत्रभेट दिली.

विद्यार्थ्यांनी विविध नवीन पिके, शेतीतील विविध नवीन तंत्रज्ञान, विविध कंपन्यांचे स्टॉल, शेतीतील विविध प्राॅडक्ट, विविध फुलांचे प्लाॅट्स यांची पहाणी व निरीक्षण केले. विविध तंत्रज्ञान व आधुनिक शेती पद्धतीची माहिती घेतली.

यावेळी विविध स्टॉलवर खाद्य पदार्थ खाण्याचा व सहभोजनाचा आनंद विद्यार्थ्यांनी लुटला. आंबा, डाळींब,चिकू, अंजीर, सिताफळ बागांची पाहणी विद्यार्थ्यांनी शिक्षकांसमवेत केली. क्षेत्र भेटीचा एक नवीन अनुभव विद्यार्थ्यांना मिळाला.

सुराळे गावातील तरुण उद्योजक गणेश मातेले यांच्या आयुर्वेदिक गुळाचा चहा या स्टाॅलला सर्वांनी भेट दिली.यावेळी शालेय व्यवस्थापन समिती अध्यक्ष, उपाध्यक्ष, ग्रामस्थ व शिक्षक उपस्थित होते.