पुणे : पुणे नाशिक महामार्गावर खरपुडी फाटा येथे पायी रस्ता ओलांडताना अज्ञात वाहनाने सोमवारी (ता. १३) रात्री अकराच्या सुमारास १७ महिलांना जो...
पुणे : पुणे नाशिक महामार्गावर खरपुडी फाटा येथे पायी रस्ता ओलांडताना अज्ञात वाहनाने सोमवारी (ता. १३) रात्री अकराच्या सुमारास १७ महिलांना जोरात धडक दिली आहे. या अपघातात पाच महिलांचा मृत्यू झाला असून, सात महिला जखमी झाल्या आहेत.
जखमी महिलांना उपचारासाठी रुग्णालयात दाखल करण्यात आले आहे. पोलिस पुढील तपास करत आहेत.
सुशीला देढे, इंदुबाई कोंडीबा कांबळे (वय ४६) अशी दोन मृत महिलांची नावे असून अन्य मृतांची नावे समजू शकली नाहीत. जखमी महिलांवर खाजगी आणि चांडोली ग्रामीण रुग्णालयात उपचार सुरू आहेत. महिंद्रा कंपनीच्या कारने या महिलांना रस्ता ओलांडताना धडक दिली. पोलिसांनी दिलेल्या माहितीनुसार, पुणे-नाशिक महामार्गावरील राजगुरुनगर जवळ असलेल्या शिरोली परिसरात सोमवारी रात्री अकराच्या सुमारास ही घटना घडली. पुणे शहरातून खेड तालुक्यातील शिरोली येथील मंगल कार्यालयात स्वयंपाकासाठी रात्रीच्या सुमारास या महिला येत होत्या. त्याचवेळी महिंद्रा कंपनीच्या कारने या महिलांना रस्ता ओलांडताना ठोकर देऊंन वाहन चालक रस्ता दुभाजक तोडून वाहनासह फरार झाला. या अपघातात ५ महिलांचा मृत्यू झाला आहे. तर ७ महिला जखमी आहे. फरार वाहन चालकाचा खेड पोलिसांकडून तपास सुरू आहे.
दरम्यान, अपघात झाल्यानंतर स्थानिक नागरिकांनी पोलिसांना माहिती दिली. यानंतर पोलिस तत्काळ घटनास्थळी दाखल झाले होते. जखमी महिलांना तत्काळ उपचारासाठी रुग्णालयात दाखल करण्यात आले. पोलिस पुढील तपास करत आहेत.
COMMENTS