लोकप्रिय एँकरचा भीषण अपघात; मृत्यूपूर्वी इन्स्टाग्रामवर लिहीले...

जो धपूर (राजस्थान):  लोकप्रिय एँकर अंकिता शर्मा हिचा रस्ता अपघातात जागीच मृत्यू झाला आहे. अंकिताच्या फॉर्च्युनर गाडीचा ड्रायव्हर इमरान याचाह...

जोधपूर (राजस्थान): लोकप्रिय एँकर अंकिता शर्मा हिचा रस्ता अपघातात जागीच मृत्यू झाला आहे. अंकिताच्या फॉर्च्युनर गाडीचा ड्रायव्हर इमरान याचाही उपचारादरम्यान मृत्यू झाला आहे.

अंकिताने अपघाताच्या काही तासांपूर्वीच पालीच्या रणकपूरमध्ये लग्नाचे एँकरिंग केले होतं. त्याच दिवशी रात्री 1 वाजता अंकिता बीकानेरला जाण्यासाठी निघाली होती. बीकानेरला निघताना अंकिताने इन्स्टाग्रामवर पोस्ट शेअर केली होती. नेक्स्ट डेस्टिनेशन रणकपूर टू बीकानेर, असे शीर्षक अंकिताने तिच्या पोस्टला दिले होते. बीकानेरमध्येही तिला लग्नाचं एँकरिंग करायचे होते. लग्नाच्या कार्यक्रमाला पोहोचण्याआधी पहाटे 5 वाजता जोधपूर-नागौर नॅशनल हायवे-62 वर खींवसरजवळ अंकिताच्या गाडीने ट्रकला धडक दिली. या अपघातामध्ये अंकिता आणि तिच्या ड्रायव्हरचा मृत्यू झाला.

ओव्हरटेक करत असताना फॉर्च्युनर समोरून येणाऱ्या ट्रकसमोर आली. अपघातात अंकिताचा जागीच मृत्यू झाला, तर ड्रायव्हर इमरानला खींवसरच्या रुग्णालयात दाखल करण्यात आले, पण त्याचेही निधन झाले. खींवसर पोलिसांनी शवविच्छेदनानंतर दोघांचं पार्थिव त्यांच्या कुटुंबाला दिले.

दरम्यान, अंकिताचा नवरा कुलदीप शर्मा बँकेत नोकरी करत असून, अंकिताला 14 वर्षांचा मुलगा आहे. अंकिता शर्मा सोशल मीडियावर सक्रीय असायची शिवाय, सोशल मीडियावर ती रोजच्या अपडेट शेअर करायची. अपघाताच्या काही तास आधी तिने रणकपूरच्या हॉटेलमधून स्टेटस ठेवले होते. रेडी फॉर 3 शो, अशी पोस्ट तिने केली होती. याशिवाय जोधपूरहून बिकानेरला जातानाही तिने आपण बिकानेरला जात असल्याचे सांगितले होते. तिच्या मृत्यूमुळे हळहळ व्यक्त केली जात आहे.