कोलकता: पश्चिम बंगालमध्ये झारखंडमधील एका अभिनेत्रीची गोळ्या झाडून हत्या करण्यात आली. रिया कुमारी उर्फ ईशा आलिया (वय २२) असे या अभिनेत्रीचे...
कोलकता: पश्चिम बंगालमध्ये झारखंडमधील एका अभिनेत्रीची गोळ्या झाडून हत्या करण्यात आली. रिया कुमारी उर्फ ईशा आलिया (वय २२) असे या अभिनेत्रीचे नाव आहे. या घटनेमुळे एकच खळबळ उडाली आहे.
झारखंडमधील अभिनेत्री ईशा आलिया हिची बुधवारी पहाटे पश्चिम बंगालमधील हावडा येथे महामार्गावरील दरोडेखोरांनी गोळ्या झाडून हत्या केली. ईशा आलिया आणि तिचा पती प्रकाश कुमार त्यांच्या तीन वर्षांच्या मुलीसह रांचीहून कोलकाता येथे जात असताना ही घटना घडली. या घटनेबाबत पोलिस पुढील तपास करत आहेत. रिया कुमारी झारखंडमध्ये ईशा आलियाच्या नावाने खोरथा आणि प्रादेशिक भाषांच्या अल्बममध्ये काम करायची. या घटनेविषयी ईशा आलियाच्या पतीने सांगितले, 'माझी मुलगी नुकतीच झोपेतून जागी झाली होती. माझ्या पत्नीने मला कार पार्क करण्यास सांगितले जेणेकरून ती तिला खाऊ घालू शकेल. मी गाडी पार्क केली आणि निसर्ग पाहण्यासाठी बाहेर पडलो. तेवढ्यात एक पांढऱ्या रंगाची कार आली आणि आमच्या मागे उभी राहिली. तीन जण खाली उतरले आणि एकाने माझ्यावर हल्ला केला. त्याने माझे पॉकेट घेतले आणि मला ढकलले. अचानक मला माझ्या बायकोचा ओरडण्याचा आवाज आला. मी आवाज देण्यापूर्वीच गोळीबाराचा आवाज ऐकू आला आणि ते पळून गेले'.
दरम्यान, स्थानिकांच्या म्हणण्यानुसार, हा परिसर अगदी उजाड आहे, त्यामुळे प्रकाश कुमार मदत मागण्यासाठी सुमारे दोन किलोमीटर खाली गेले. या घटनेनंतर ईशा आलियाला उलुबेरिया रुग्णालयात नेण्यात आले. मात्र डॉक्टरांनी तिला मृत घोषित केले. पोलिस पुढील तपास करत आहेत.
.jpg)
COMMENTS