सहसंपादक:- प्रा.प्रविण ताजणे ( सर ) क्राईमनामा Live : समर्थ ग्रुप ऑफ इन्स्टिट्यूशन्स, बेल्हे येथील शैक्षणिक संकुलात २६ नोव्हेंबर हा संविधान ...
सहसंपादक:- प्रा.प्रविण ताजणे ( सर )
क्राईमनामा Live : समर्थ ग्रुप ऑफ इन्स्टिट्यूशन्स, बेल्हे येथील शैक्षणिक संकुलात २६ नोव्हेंबर हा संविधान दिवस म्हणून साजरा करण्यात आला. डॉ बाबासाहेब आंबेडकर यांच्या प्रतिमेस फुले व पुष्पहार अर्पण करण्यात आला. यावेळी संविधान स्तंभाचे पूजन करण्यात आले. विद्यार्थी दशेत असताना विद्यार्थ्याने प्रत्येक क्षणाचा सदुपयोग करून अभ्यासामध्ये विशेष प्राविण्य मिळवण्यासाठी प्रयत्न करावेत असे डॉ.लक्ष्मण घोलप यांनी सांगितले. यावेळी अभियांत्रिकीचे प्राचार्य डॉ.अनिल पाटील, एम बी ए चे प्राचार्य प्रा.राजीव सावंत, बी सी एस चे प्राचार्य डॉ.उत्तम शेलार, डॉ.लक्ष्मण घोलप, पॉलिटेक्निकचे प्राचार्य प्रा.अनिल कपिले, फार्मसीचे प्राचार्य डॉ.बसवराज हातपक्की, डॉ.संतोष घुले, प्रशासकीय अधिकारी प्रा.प्रदीप गाडेकर, प्रा. संजय कंधारे, रा से यो अधिकारी प्रा.विपुल नवले, प्रा.दिनेश जाधव आदी मान्यवर उपस्थित होते.
समर्थ संकुलात भारतीय राज्य घटनेचे शिल्पकार डॉ.बाबासाहेब आंबेडकर यांना संविधान दिनाच्या माध्यमातून श्रद्धांजली अर्पण करण्यात आली.
विद्यार्थ्यांना मार्गदर्शन करताना प्रा.राजीव सावंत म्हणाले कि, जगातील सर्वात मोठा लोकशाही देश असलेल्या भारताने २६ नोव्हेंबर १९४९ रोजी संविधानाचा स्वीकार केला होता.तर २६ जानेवारी १९५० पासून संविधान लागू करण्यात आले होते.
डॉ.लक्ष्मण घोलप म्हणाले कि, या संविधानाचे शिल्पकार डॉ. बाबासाहेब आंबेडकर यांनी आपल्या लोकशाहीला संविधानरूपी अलंकाराने सजवले. संविधान हेच भारताच्या सहिष्णुतेचे व राष्ट्रीय एकात्मकतेचे गमक आहे. भारतातील नागरिकांचा न्याय, समता, स्वातंत्र्य आणि एकजूट यांचे रक्षण कारण्यासाठी संविधानातून स्वतंत्र, साम्यवादी, धर्मनिरपेक्ष, स्वायत्त, प्रजासत्ताक राज्य बनवण्यासाठी तरतुदी केलेल्या आहेत. या सर्वांची माहिती व जाणीव आजच्या विद्यार्थ्यांना व्हायला पाहिजे म्हणून खऱ्या अर्थाने हा संविधान दिवस शाळा महाविद्यालयातून साजरा होत असतो असे मत प्राचार्य डॉ.अनिल पाटील यांनी मांडले. यावेळी संविधानाची प्रतिज्ञा घेण्यात आली. कार्यक्रमाचे सूत्रसंचालन विद्यार्थी विकास अधिकारी प्रा.अमोल भोर यांनी तर आभार प्रा.प्रदीप गाडेकर यांनी मानले.
COMMENTS