भंडारा: नऊ महिन्यांची गरोदर असलेली महिला तलावावर कपडे धुण्यासाठी गेल्यानंतर बुडुन मृत्यू झाल्याची हृदद्रावक घटना मोहाडी तालुक्यातील लेंडेझ...
भंडारा: नऊ महिन्यांची गरोदर असलेली महिला तलावावर कपडे धुण्यासाठी गेल्यानंतर बुडुन मृत्यू झाल्याची हृदद्रावक घटना मोहाडी तालुक्यातील लेंडेझरी गावात घडली आहे. महिलेच्या मृत्यूमुळे हळहळ व्यक्त केली जात आहे.
राजकुमारी सुनिल नेवारे (30) असे मृत महिलेचे नाव आहे.
राजकुमारी नेवारे या नेहमी प्रमाणे सकाळी गावाजवळील हुटकाळा तलावावर कपडे धुण्यासाठी गेली होत्या. कपडे धुत असताना अचानक पाय घसरला आणि खोल पाण्यात पडल्या. जिवाच्या आकांताने आरडाओरडा केला पण जवळपास कुणीच नसल्यामुळे मदतीला कुणी धावून आलं नाही. पाण्याची पातळी खोल असल्यामुळे या महिलेचा बुडून मृत्यू झाला.
सासू शेळ्या चारुन घरी आली तेव्हा सून घरी दिसली नाही. त्यांनी शेजारी आणि गावात विचारपूस केली पण कुठेच पत्ता लागला नाही. त्यांना तलावावर कपडे धुण्यासाठी सून गेल्याचे समजले. तलावावर धाव घेऊन राजकुमारीला शोधण्याचा प्रयत्न केला तेव्हा पाण्यावर राजकुमारीची साडी पाण्यावर तरंगताना दिसली. काय घडलं याचा अंदाज आल्यामुळे त्यांनी एकच आक्रोश केला. गावकऱ्यांच्या मदतीने पाण्याबाहेर काढून राजकुमारीला करडी येथील दवाखान्यात आणले असता डॉक्टरांनी मृत घोषित केले आहे.
घटनेची माहिती करडी पोलीस ठाण्यात देण्यात आली. राजकुमारी 9 महिन्याची गरोदर होती. त्यामुळे गरोदर अवस्थेत मृत्यू झाल्यामुळे गावात हळहळ व्यक्त केली जात आहे.
COMMENTS