जळगाव: जळगाव शहरात असलेल्या मध्यवर्ती भागात एका कंपनीच्या नावे असणाऱ्या ऑफिसमध्ये सेक्स रॅकेट सुरू असल्याचा प्रकार उघडकीस आला आहे. पोलिसां...
जळगाव: जळगाव शहरात असलेल्या मध्यवर्ती भागात एका कंपनीच्या नावे असणाऱ्या ऑफिसमध्ये सेक्स रॅकेट सुरू असल्याचा प्रकार उघडकीस आला आहे. पोलिसांनी छापा टाकून दोन पुरुषांसह सहा युवतींना ताब्यात घेतले आहे.
या घटनेमुळे शहरात एकच खळबळ उडाली आहे.
जळगाव शहरातील नवी पेठ भागात एका कंपनीच्या नावाने कार्यालय सुरू होते. या कार्यालयात हाय प्रोफाईल सेक्स रॅकेट सुरू असल्याचा धक्कादायक प्रकार समोर आला. शहर पोलिसांनी याप्रकरणी मोठी कारवाई केली आहे. याप्रकरणी शहर पोलिस ठाण्यात गुन्हा दाखल केला असून, पुढील तपास करत आहेत. या धक्कादायक प्रकारामुळे जळगाव शहरात खळबळ उडाली आहे.
दरम्यान, पोलिसांनी काही दिवसांपूर्वीच दोन हॉटेलवर छापा टाकला होता. यावेळी मोठी कारवाई करत गुन्हाही दाखल करण्यात आला होता. यानंतर आता शहरातील नवीपेठ परिसरातील महावीर बँकेच्या पाठीमागे असलेल्या एका ऑफिसच्या खोलीत सेक्स रॅकेट सुरू असल्याची गोपनीय माहिती शहर पोलिसांना मिळाली होती.
मिळालेल्या माहितीच्या आधारे अप्पर पोलिस अधीक्षक चंद्रकांत गवळी आणि पोलिस निरीक्षक विजय ठाकूरवाड यांच्या मार्गदर्शनाखाली पोलिस उपनिरीक्षक दत्तात्रय पोटे यांच्यासह पथकाने छापा टाकला. यावेळी कार्यालयात वेश्यव्यवसाय सुरू असल्याचे आढळून आले. याप्रकरणी दोन पुरुष ग्राहक आणि सहा युवतींना पोलिसांनी ताब्यात घेतले असून, पुढील तपास करत आहेत.
COMMENTS