मुंबई: मुंबई आंतरराष्ट्रीय विमानतळावर मुंबई सीमाशुल्क विभागाच्या अधिकाऱ्यांनी 12 किलो सोने जप्त केले आहे. जप्त करण्यात आलेल्या सोन्याची किंम...
मुंबई: मुंबई आंतरराष्ट्रीय विमानतळावर मुंबई सीमाशुल्क विभागाच्या अधिकाऱ्यांनी 12 किलो सोने जप्त केले आहे. जप्त करण्यात आलेल्या सोन्याची किंमत जवळपास 6 कोटी रुपये आहे.
सीमाशुल्क विभागाच्या अधिकाऱ्यांनी दिलेल्या माहितीनुसार, एका विशेष बेल्टच्या आतमध्ये लपवून हे सोने परदेशात घेऊन जाण्यात येत होते. याप्रकरणी सूदान येथून आलेल्या 6 आरोपींना ताब्यात घेण्यात आले असून, त्यांची चौकशी सुरू आहे.
मुंबईत हे सोन्याचे तस्कर कोणाच्या संपर्कात होते, या बाबतची चौकशी केली जात आहे. सुदानमधून सोन्याची तस्करी कधी आणि कशी होते, याबाबतचा संपूर्ण तपास सीमाशुल्क विभाग करत आहे. दरम्यान, आठवडाभरापूर्वीच मुंबई विमानतळावर मस्कतहून आलेल्या एका प्रवाशाने कंबरेच्या पट्ट्यात दीड कोटींचे अडीच किलो सोने लपवून आणले होते. मात्र, विमानतळावर पकडले जाण्याच्या भीतीने आरोपीने शौचालयातील डस्टबिनमध्ये सोने फेकले होते. यानंतर महसूल गुप्तचर संचालनालयाच्या अधिकाऱ्यांनी त्याला अटक केली होती.
COMMENTS