पुणेः शिक्रापूर (ता. शिरुर) येथील पाबळ चौकातील एका लॉजवर बेकायदेशीरपणे सुरु असलेल्या वेश्याव्यवसायावर शिक्रापूर पोलिसांच्या पथकाने छापा ...
पुणेः शिक्रापूर (ता. शिरुर) येथील पाबळ
चौकातील एका लॉजवर बेकायदेशीरपणे सुरु असलेल्या वेश्याव्यवसायावर शिक्रापूर
पोलिसांच्या पथकाने छापा टाकत दोघा युवतींसह लॉज चालकाला ताब्यात घेतले आहे.
शिक्रापूर (ता.
शिरुर) येथील पाबळ चौक येथे असलेल्या बालाजी लॉजवर बेकायदेशीरपणे वेश्याव्यवसाय सुरु
असल्याची माहिती पोलिस निरीक्षक हेमंत शेडगे यांना मिळाली होती. पोलिस निरीक्षक
हेमंत शेडगे, सहाय्यक पोलिस
निरीक्षक नितीन अतकरे, सहाय्यक पोलिस उपनिरीक्षक जितेंद्र पानसरे, पोलिस हवालदार शंकर साळुंके, चंद्रकांत काळे, पोलिस नाईक अशोक केदार, अमोल दांडगे, महिला पोलिस नाईक ज्योती आहेरकर, उज्वला गायकवाड, पोलिस शिपाई किशोर शिवणकर यांनी सदर ठिकाणी
एक बनावट ग्राहक पाठवून छापा टाकला. सदर ठिकाणी लॉज चालकासह वेश्याव्यवसाय
करणाऱ्या दोन युवती मिळून आल्या. पोलिसांनी सदर युवतींना ताब्यात घेत चौकशी केली
असता लॉज चालक सुनील राठोड हा आम्हाला वेश्याव्यवसाय साठी ठेवत आम्हाला
वेश्याव्यवसाय साठी प्रोत्साहित करत असल्याचे सांगितले. दरम्यान, पोलिसांच्या पथकाने दोन्ही युवतींसह लॉज
चालकाला ताब्यात घेतले आहे.
याबाबत शिक्रापूर पोलिस स्टेशनचे सहाय्यक पोलिस उपनिरीक्षक जितेंद्र शिवाजी पानसरे (रा. शिक्रापूर ता. शिरुर जि. पुणे) यांनी शिक्रापूर पोलिस स्टेशन येथे फिर्याद दिली आहे. शिक्रापूर पोलिसांनी लॉज चालक सुनील जयराम राठोड (वय २७ वर्षे रा. प्रथम सोसायटी तळेगाव ढमढेरे ता. शिरुर जि. पुणे मूळ रा. ब्राम्हणगाव ता. जिंतूर जि. परभणी) याच्या सह दोन युवतींवर गुन्हे दाखल करत न्यायालयात हजर केले. न्यायालयाने सुनील राठोड याला पोलिस कोठडी सुनावत वेश्याव्यवसाय करणाऱ्या युवतींची महिला सुधारगृहात रवानगी केली आहे. पुढील तपास पोलिस निरीक्षक हेमंत शेडगे यांच्या मार्गदर्शनाखाली पोलिस उपनिरीक्षक अमोल खटावकर व पोलिस शिपाई अतुल पखाले हे करत आहेत.
COMMENTS