क्राईमनामा Live : धक्कादायक! बहिणीने पकडला हात अन् प्रियकरांनी केला बलात्कार...

  लखनौ (उत्तर प्रदेश): मोठ्या बहिणीने आपल्या चार प्रियकरांसोबत मिळून छोट्या बहिणीवर सामूहिक बलात्कार घडवून आणला आणि त्यानंतर तिची निर्घृणपणे...

 

लखनौ (उत्तर प्रदेश): मोठ्या बहिणीने आपल्या चार प्रियकरांसोबत मिळून छोट्या बहिणीवर सामूहिक बलात्कार घडवून आणला आणि त्यानंतर तिची निर्घृणपणे हत्या केल्याची धक्कादायक घटना घडली आहे.

या घटनेमुळे परिसर हदरला असून, पोलिसांनी सात जणांना अटक केली आहे.

पोलिसांना काही दिवसांपूर्वी उसाच्या शेतामध्ये एका मुलीचा मृतदेह आढळला होता. चौकशीदरम्यान मृत मुलीच्या मोठी बहिणीवर पोलिसांना संशय बळावला. पोलिसांनी पोलिसी खाक्या दाखवताच पोपटासारखी बोलू लागली आणि प्रियकरांसोबत मिळून छोट्या बहिणीवर सामूहिक बलात्कर घडवून आणल्यानंतर तिची हत्या केल्याची कबुली दिली. लखमपूर जिल्ह्याचे एसपी संजीव सुमन यांनी सांगितले की, 'मृत बहिणीच्या मोठ्या बहिणीचे गावातील चार-पाच मुलांसोबत अनैतिक संबंध होते. छोट्या बहिणीचा विरोध असल्यामुळे छोट्या बहिणीचा काटा काढायचे षढयंत्र रचले. छोट्या बहिणीला शेताकडे बोलावले. शेतात आधीपासूनच उपस्थित प्रियकरांनी पीडितेसोबत जबदस्ती करण्याचा प्रयत्न केला. मात्र पीडितेने विरोध केल्यानंतर मोठ्या बहिणीने तिचा एक हाथ आणि दुसऱ्या साथिदाराने दुसरा पकडला. यानंतर आरोपींनी पीडितेवर सामूहिक बलात्कार केला. बलात्कारानंतर आरोपींनी पीडितेची ओढणीने गळा आवळून हत्या केली.'

दरम्यान, पोलिसांनी सात आरोपींना अटक केली आहे. यात पीडितेच्या मोठ्या बहिणीचा आणि सामूहिक बलात्कार करणाऱ्या चार आरोपींचा, तसेच इतर दोघांचा समावेश आहे. याबाबत पोलिस पुढील तपास करत आहेत.