भोपाळ (मध्य प्रदेश): सरकारी गांधी मेडिकल कॉलेजशी संबंधीत हमीदिया हॉस्पिटलच्या तब्बल ५४ नर्स एकत्र आल्या असून, त्यांनी थेट मुख्यमंत्री शिवराज...
भोपाळ (मध्य प्रदेश): सरकारी गांधी मेडिकल कॉलेजशी संबंधीत हमीदिया हॉस्पिटलच्या तब्बल ५४ नर्स एकत्र आल्या असून, त्यांनी थेट मुख्यमंत्री शिवराज सिंह चौहान यांना पत्र लिहून हॉस्पिटलच्या अधीक्षकाची तक्रार केली आहे.
या घटनेनंतर एकच खळबळ उडाली आहे.
हॉस्पिटलचा अधीक्षक डॉक्टर दीपक मरावी यांच्यावर अश्लिलतेचा तसेच लैंगिक शोषनाचा आरोप केला. मरावी डॉक्टर या नर्सना सुटी हवी असल्यास किंवा रुजु होण्याच्या वेळी आपल्या केबिनमध्ये बोलवून घेत होता. नर्सना अश्लिल पद्धतीने स्पर्श करणे आणि अश्लिल बोलणे आदी चाळे करायचे, असा आरोप या नर्सनी केला आहे. नर्सना विनाकारण चेंबरमध्ये बोलवत असतो. रात्रीच्या वेळी हाप पँटवर दारुच्या नशेत नर्ससाठीच्या चेंजिंग रुममध्ये येऊन अश्लिल बोलायचा. एका नर्सवर बलात्काराचा देखील प्रयत्न केला आहे. तिचे नुकतेच लग्न झाले होते, यामुळे तिचे आम्ही यात नाव घेतलेले नाही. जर योग्य चौकशी सुरु झाल्यास आम्ही आणि ती पीडिता सर्व आपल्या तक्रारी लिखितमध्ये देण्यास तयार आहोत, असेही या पत्रात म्हटले आहे. तक्रारीचे पत्र मुख्यमंत्र्यांबरोबच गृहमंत्री नरोत्तम मिश्रा, आरोग्य मंत्री विश्वास सारंग आणि डीजीपी सुधीर सक्सेना यांना पाठविले आहे.
मंत्री विश्वास सारंग यांनी आपल्याला पत्र मिळाले असून भोपाळच्या विभागिय आयुक्तांना १० दिवसांत चौकशी अहवाल देण्याचे आदेश दिले आहेत. दरम्यान, राज्यात या घटनेमुळे एकच खळबळ उडाली आहे.
.jpg)
COMMENTS