क्राईमनामा Live : नारायणगाव रोटरी क्लबच्या वतीने २१ मुलांना हॅपी एज्युकेशन किटचे वाटप...

  सहसंपादक:- प्रा.प्रविण ताजणे ( सर ) क्राईमनामा Live : जुन्नर तालुक्यातील नारायणगावातील जिल्हा परिषद प्राथमिक शाळा नारायणवाडी ता.जुन्नर जि....

 

सहसंपादक:- प्रा.प्रविण ताजणे ( सर )

क्राईमनामा Live : जुन्नर तालुक्यातील नारायणगावातील जिल्हा परिषद प्राथमिक शाळा नारायणवाडी ता.जुन्नर जि. पुणे या प्राथमिक शाळेतील इयत्ता १ली ते ४थी मधील २१ विद्यार्थ्यांना रोटरी क्लब नारायणगावच्या वतीने हॅपी एज्युकेशन किटचे वाटप करण्यात आल्याची माहिती रोटरी क्लब नारायणगावचे अध्यक्ष मंगेश मेहेर यांनी दिली. 

नवीन सुरू होत असलेल्या शैक्षणिक वर्षाचे औचित्य साधून अनोख्या पद्धतीने रोटरी एज्युकेशन किट वाटप कार्यक्रमानिमित्त  समाजातील मोलमजुरी करणाऱ्या, गरीब, गरजू पालकांच्या मुलांची गरज ओळखून आवश्यक शैक्षणिक वस्तूंचे हॅप्पी एज्युकेशन किट वाटप करून मुलांच्या चेहऱ्यावर आनंद निर्माण करण्यातआला.या एज्युकेशन किटमध्ये स्कूल बॅग, वह्या, कंपास पेटी आदी शैक्षणिक वस्तू २१ विद्यार्थ्यांना भेट स्वरूपात देण्यात आल्या.

याप्रसंगी नारायणगाव रोटरी क्लबचे अध्यक्ष मंगेश मेहेर, माजी अध्यक्ष माऊलीशेठ लोखंडे,  नारायणवाडी शाळेचे मुख्याध्यापक शरदराव शिंदे सर, शाळा व्यवस्थापन समितीचे अध्यक्ष देविदास भुतांबरे तसेच रोटरी क्लब नारायणगावचे सर्व सदस्य, शाळेतील विद्यार्थी मोठ्या संख्येने उपस्थित होते.

या सामाजिक व शैक्षणिक कार्यक्रमाचे प्रास्ताविक  शाळेचे मुख्याध्यापक श्री. शरद शिंदे यांनी करून आभार मानले.