सहसंपादक : प्रा.प्रविण ताजणे ( सर ) क्राईमनामा Live : समर्थ रूरल एज्युकेशनल इन्स्टिट्यूट संचलित समर्थ शैक्षणिक संकुल बेल्हे येथे कर्मवीर भ...
सहसंपादक : प्रा.प्रविण ताजणे ( सर )
क्राईमनामा Live : समर्थ रूरल एज्युकेशनल इन्स्टिट्यूट संचलित समर्थ शैक्षणिक संकुल बेल्हे येथे कर्मवीर भाऊराव पाटील यांच्या पुण्यतिथीनिमित्त त्यांच्या प्रतिमेस पुष्पहार अर्पण करण्यात आला. यावेळी संस्थेचे अध्यक्ष वसंतराव शेळके, उपाध्यक्ष माऊली शेळके, सचिव विवेक शेळके, विश्वस्त वल्लभ शेळके, सर्व संस्थांचे प्राचार्य, विभागप्रमुख, शिक्षक, शिक्षकेतर कर्मचारी व विद्यार्थी-विद्यार्थिनी मोठ्या संख्येने उपस्थित होते.
कर्मवीर भाऊराव पाटील यांच्या जीवन चरित्रावर प्रकाश टाकत त्यांच्या विचारांची शिदोरी आणि कार्याबद्दल माहिती देताना प्राचार्य डॉ.लक्ष्मण घोलप म्हणाले की स्वावलंबी शिक्षण हेच ब्रीद समजून बहुजनांच्या शिक्षणाचा वटवृक्ष उभा करणारे कर्मवीर हे समाजसुधारक आणि शिक्षणप्रसारक होते.सर्वसामान्य जनतेपर्यंत शिक्षणप्रसार करण्यासाठी त्यांनी रयत शिक्षण संस्था स्थापन केली.गरीब मुलांना शिक्षण घेणे शक्य व्हावे म्हणून‘कमवा व शिका’ही योजना सुरू करुन मोठे काम केले.रयत शिक्षण संस्थेच्या माध्यमातून त्यांनी शिक्षणाचा प्रसार केला.४ ऑक्टोबर १९१९ रोजी भाऊराव पाटील यांनी‘रयत शिक्षण संस्थेची स्थापना सातारा जिल्ह्यातील काले या गावी केली.
शैक्षणिकदृष्ट्या मागासलेल्या वर्गात शिक्षणाची आवड निर्माण करणे,गरीब मुलांना मोफत शिक्षण देणे,निरनिराळ्या जातिधर्मांतील विद्यार्थ्यांत प्रेमभाव निर्माण करणे यासाठी प्रयत्न केला.सर्व मुले काटकसरी, स्वावलंबी, शीलवान व उत्साही बनवण्याचा प्रयत्न करणे हि उद्दिष्टे साध्य करण्यासाठी भाऊरावांनी केवळ क्रमिक शिक्षणच नव्हे, तर समता, बंधुता, श्रमप्रतिष्ठा, सामाजिक बांधिलकी आदि मूल्यांची शिकवण विद्यार्थ्यांना दिली.
कर्मवीर भाऊराव पाटील यांनी अनेकांना शिक्षणाच्या संधी उपलब्ध करून देऊन त्यांचे जीवन प्रकाशमय केले.ग्रामीण भागातील शैक्षणिक कार्यामुळे कर्मवीर भाऊराव पाटील यांचे कार्य कायम आठवणीत राहणारे आहे असे यावेळी संस्थेचे विश्वस्त वल्लभ शेळके म्हणाले.
कार्यक्रमाचे सूत्रसंचालन प्रशासकीय अधिकारी प्रा.प्रदीप गाडेकर यांनी तर आभार रासेयो अधिकारी प्रा.विपुल नवले यांनी मानले.
.jpg)
COMMENTS