पुणे : पिंपरी-चिंचवडमध्ये महिलेसमोर नाक घासायला लावल्याचा अपमान सहन न झाल्यामुळे यवकाने आपल्या राहत्या घरी गळफास घेऊन आत्महत्या केल्याची घ...
पुणे : पिंपरी-चिंचवडमध्ये महिलेसमोर नाक घासायला लावल्याचा अपमान सहन न झाल्यामुळे यवकाने आपल्या राहत्या घरी गळफास घेऊन आत्महत्या केल्याची घटना घडली आहे. सचिन सोपान तळेकर (वय २९) असे आत्महत्या केलेल्या युवकाचे नाव आहे.
महिलेबाबत चुकीचे वक्तव्य केल्याचे समजून सचिनला चौघांनी मारहाण केली होती. शिवाय, महिलेसमोर नाकही घासायला लावले होते. गैरसमजुतीतून हा सगळा प्रकार घडला असल्याचाही संशय व्यक्त केला जात आहे. या घटनेनंतर झालेला अपमान तरुणाला सहन झाल्याने सचिनने आत्महत्या केली. या घटनेमुळे एकच खळबळ उडाली आहे. सचिनच्या आत्महत्येनंतर आता पोलिसात तक्रारही दाखल करण्यात आली आहे. सचिनला मारहाण केलेल्या चार जणांविरोधात तक्रार देण्यात आली आहे.
सचिनला मारहाण करणाऱ्या युवकांची नावंही समोर आली आहे. किरण रामदास कान्हुरकर, विजय दत्तात्रय तापकीर, अमोर बाळासाहेब तापकीर आणि अभिनव अर्जुन गायकवाड अशी आरोपींची नावे आहेत. याप्रकरणी पोलिस पुढील तपास करत आहेत.
.jpg)
COMMENTS