पुणे: कोरेगाव भीमा (ता. शिरुर) येथे एका महिलेवर अत्याचार करण्याचा प्रयत्न करत महिलेचा विनयभंग केल्याची घटना घडली आहे. शिक्रापूर पोलिस स्टेशन...
पुणे: कोरेगाव भीमा (ता. शिरुर) येथे एका महिलेवर अत्याचार करण्याचा प्रयत्न करत महिलेचा विनयभंग केल्याची घटना घडली आहे. शिक्रापूर पोलिस स्टेशन येथे समाधान श्रीधर वानखेडे याच्यावर गुन्हे दाखल करण्यात आले आहेत.
कोरेगाव भीमा येथे महिला पीडित महिला काही कामानिमित्त एका बिल्डींग मध्ये आलेली असताना समाधान वानखेडे हा सदर बिल्डींगच्या खाली जिन्यात येऊन उभा राहिला. महिला जिन्याने खाली येत असताना त्याने जिन्यामधील लाईट बंद केली. दरम्यान समाधान याने महिलेवर अत्याचार करण्याचा प्रयत्न करत महिलेचा विनयभंग केला. यावेळी महिलेने आरडाओरडा केल्याने बिल्डींग मधील नागरिक तेथे आल्याने वानखेडे हा पळून गेला. यावेळी झालेल्या झटापटीत महिला किरकोळ जखमी देखील झाली आहे.
याबाबत सदर महिलेने शिक्रापूर पोलिस स्टेशन येथे फिर्याद दिली असल्याने शिक्रापूर पोलिसांनी समाधान श्रीधर वानखेडे (रा. कोरेगाव भीमा ता. शिरुर जि. पुणे) याच्या विरुद्ध गुन्हे दाखल केले आहेत. सदर गुन्ह्याचा पुढील तपास पोलिस निरीक्षक हेमंत शेडगे यांच्या मार्गदर्शनाखाली रोहिदास पारखे हे करत आहेत.
.jpg)
COMMENTS